1 Yohani 2 - 阿美語聖經-新約附詩篇箴言

Ci Kristo ko Pa'adingay Titaanan

¹ O sakapipatilid ako i tamowanan o wawa tonini i, o saka^caaw ka ciraraw namo. Nikawrira, ano ciraraw ko cima namo i, ira ko papa'ading titaanan i ka'ayaw no Kawas, oya mo^celay a Yis Kristo.

² Cingra ko sakahpol no raraw ita. Caay ko raraw ita a ccay, haloraraw no polong no tamdamdaw a hpolen Ningra.

³ Ano mido^do kita to limo'ot no Kawas i, i tini a mahapinang ita ko nika fana' ita i Cingraan.

⁴ Ano ira ko somowalay <> ano saan ko tamdaw, ano caay pido^do cingra to limo'ot Ningra i, o misamangahay ko matiraay a tamdaw a somowal, awaay ko pikihar no so'lin i cingraan.

^5-6 Nikawrira, o mido^doay to sowal no Kawas a tamdaw i, o masongila'ay ko olah ningra to Kawas. O ci'oripay to no Kawas sanay a tamdaw i, o tatodongen ningra ko dmak ni Yis Kristo. I tini a mahapinang ita ko nika ci'orip ita i Cingraan.

O Fa^lohay a Limo'ot

⁷ Kaolahan ako a salikaka, caay ko fa^lohay a limo'ot ko sasowalen ako a patilid i tamowanan. Oya kafana'an namo nai satapangan a mitoor a nai ti:yaayho a limo'ot ko sasowalen ako. O nano nitngilanto namo a sowal koya nai ti:yaayho hananay ako a limo'ot.

⁸ Nikawrira, o nipatilidan ako i tamowanan i, o fa^lohay a limo'ot. Iraay i ci Kristoan konini a limo'ot no so'lin, ira haca i tamowanan a mahapinang. Nawhani mamalasawadto ko to'manay, misatapangayto a patdi ko so'linay a likat.

⁹ O i ta^ngadayto kako ano saan ko tamdaw, ano mi'intel cingra to salikaka i, o i to'manay cingra anini.

¹⁰ O maolahay to salikaka a tamdaw i, o i ta^ngaday cingra. Caay ko sakatahfikod no tao cingra.

¹¹ Nikawrira, o mi'intelay to salikaka a tamdaw i, o i to'manay cingra. O romakatay i to'manay cingra. Saka, caay ka fana' cingra to nika o tatalacowa ko rakat ningra. Nawhani mapohaw no to'man ko mata ningra.

¹² Patilid kako i tamowanan o wawa. Nawhani mahpolayto ko raraw namo to nano nidmakan ni Kristo.

¹³ Patilid kako i tamowanan o mama. Nawhani mafana' kamo toya iraay i 'ayaw no nika sanga' no hkal. Patilid kako i tamowanan o kapah. Nawhani malowidayto namo ko tapang no Palafoay.

¹⁴ Patilid kako i tamowanan o wawa. Nawhani o mafana'ay kamo ci Wamaan. Patilid kako i tamowanan o mama. Nawhani mafana' kamo toya iraay i 'ayaw no nika sanga' no hkal. Patilid kako i tamowanan o kapah. Nawhani ci'icelay kamo. O iraay i 'orip namo ko sowal no Kawas. Malowidayto namo ko Palafoay.

¹⁵ Aka ka olah to dmak no hkal ato maamaan no hkal. Ano maolah ko tamdaw to dmak no hkal i, awaay i faloco' ningra ko olah ci Wamaan.

¹⁶ Nawhani o pa'anofay to tireng, o pa'inalay to mata a misolot ato palita'angay to faloco' no tamdaw ko no hkalan a dmak a ma^min. Caay ko nai ci Wamaananay, o no hkalan aca konini.

¹⁷ Manornorto a malasawad ko hkal ato i tiniay i hkal a kangalayan no tamdaw a ma^min. Nikawrira, mida'oc a ma'orip ko mido^doay a tamdaw to nafaloco'an no Kawas.

O Misa'adaay ci Kristoan

¹⁸ Wawaaw, mangatato ko pahrekan no hkal! Matngilto namo ko nika o aira ko misa'adaay ci Kristoan a tayni. So'linay irato i matini a talahkal ko 'alomanay a misa'adaay ci Kristoan. Saka, pakayni tonini a mafana' kita to nika mangatato ko pahrekan no hkal.

¹⁹ O caacaay aca ka o kapot niyam konini a tamdaw. Saka, miliyas cangra i tamiyanan. Ano o kapot niyam cangra i, kona mararid cangra a mikapot i tamiyanan. O piliyas nangra i, o pahapinangay to nika caay ko so'linay a kapot niyam cangra.

²⁰ Nikawrira, o milayapayto kamo to pipaloso' to simal nai Fangcalay a maocoray. Saka, mafana'ayto kamo a ma^min to so'lin.

²¹ O sakasaan ako a patilid i tamowanan i, caay ko nika fokil namo to so'lin. O nika fana' namo. O romasato, mafana' kamo to nika caay ko mamasadak i so'lin ko mangah a sowal.

²² Masamaanay a tamdaw ko misamangahay hananay hakiya? Oya caay ko Kristo ci Yis sanay a tamdaw. O matiniay a tamdaw ko misa'adaay ci Kristoan hananay. O mifalahay cangra to Wama ato Wawa no Kawas.

²³ O mifalahay to Wawa no Kawas i, o mafokilay ci Wamaan. O piti'eran ako ko Wawa no Kawas sanay a tamdaw i, o mafana'ay ci Wamaan.

²⁴ Oya nitngilan namo i sa'ayaw a sowal i, pakifaloco'en. Ano mararid a mapakifaloco' namo koya nitngilan namo i sa'ayaw a sowal i, o marariday kamo a misiket i Wawa ato ci Wamaan.

²⁵ O nano nisowalan ni Kristo i titaanan a sapafli i, o mida'ocay a 'orip.

²⁶ O patiliday kako i tamowanan to pakayniay i sapisawiananay tamowanan a tamdaw.

²⁷ Kamo sa i, mapaflito ni Kristo kamo to 'Adingo Ningra. Ano mararid ko 'Adingo Ningra i faloco' namo i, ano awaawa ko pasifana'ay i tamowanan i, ma^dengto kamo. Nawhani o 'Adingo Ningra ko pasifana'ay tamowanan to dmak a ma^min. So'linay ko sifana' Ningra, caay ko mangah. Orasaka, do^doen ko sifana' no Fangcalay 'Adingo a mararid a ma'orip i ci Kristoan.

²⁸ Wawaaw, kararid a misiket ci Kristoan. Ta ano talahkalto Cingra i, caay paska, caay ka ngodo kita i Cingraan i piliyawan Ningra a tayni.

²⁹ Mafana'ay kamo to nika o mo^celay ci Kristo. Saka, kafana' kamo o mido^doay to mo^celay a tamdaw i, o wawato no Kawas.