1 Tisalonika 5 - 阿美語聖經-新約附詩篇箴言

O Pipatala to Piliyaw no Tapang a Tayni

¹ Salikakaaw, caay ko papatiliden ako kamo a pasowal to nika ano hakowa aira koya romi'ad.

² Nawhani mafana' kamo, mato nika tayni no mitakaway to dadaya ko nika fahal sa ko nipiliyaw no Tapang a tayni noya romi'ad.

³ <> yo saan ko tamdamdaw a somowal i, talifahal sa a ira ko latiih nangra a matiya o nika talifahal no mamahofoc a fafahiyan a ma'at'at. O a awa ko pakayraan nangra a mipkaw.

⁴ Nikawrira kamo o salikaka i, tona caay ka i to'manay ko 'orip namo saka, caay ka matiya o mitakaway a talifahal sa koya romi'ad a tayni.

⁵ O no i ta^ngadayto a tamdaw kamo a matiya o no romi'ad. Caayto ko no i to'manay kita a matiya o no dadaya.

⁶ Orasaka, caay ka nga'ay a matiya o tao kita a mafoti'. O nika palal ita a masinanot ko nga'ay.

⁷ O dadaya ko sakafoti' no mafoti'ay a tamdaw. O dadaya ko sakalasang no malasangay a tamdaw.

⁸ Nikawrira, o no romi'ad a tamdaw kita saka, o nika sinanot ita ko nga'ay. O caca'dongen ita ko piti'er to Kawas ato olah a malasapatada i falohang. O romasato, o caca'dongen ita ko pafaloco'an a sapa'orip no Kawas a misakafong.

⁹ O sapipili' no Kawas i titaanan i, caay ko sapitfocaw i titaanan. O sapa'oripaw titaanan pakayni i Tapang ita ci Yis Kristoan.

¹⁰ Orasaka, ano nika 'orip ito, ano nika patay ito ita i piliyawan no Tapang a tayni i, o sapikapotaw ita i Cingraan a ma'orip. Saka, mapatay Cingra to saki titaanan.

¹¹ Orasaka, haenento o dmak namo anini ko nika sasipa'icel namo a masasipadama.

O Saikoray a Pipalimo'ot ato Palicay

¹² Salikakaaw, milongoc kami i tamowanan, kangodoen ko marorayay a matayal to saki tamowanan a tamdaw. Nawhani o nipatirenganto no Tapang cangra a papikrid a pasifana' i tamowanan.

¹³ Tona o matayalay cangra saka, kangodoen cangra. Kaolahen cangra. Kararihaday kamo.

¹⁴ Salikakaaw, pa'icel kami a somowal i tamowanan. Palimo'oten ko matokaay a tamdaw. Pa'icelen ko matoleday a tamdaw. Padamaen ko tadancaay a tamdaw. Ka o kodaitay ko faloco' namo to saki cangraan a ma^min.

¹⁵ Ano cimato namo i, pina'on to saka^caaw ka o tatiihay ko sapaco'ay to tatiihay. Kararid a o nga'ayay a dmak ko sakalalicalicay namo. Haenen ko dmak namo to saki tamdaw a ma^min.

¹⁶ Kararid a lipahak.

¹⁷ Aka pitolas a mitolon.

¹⁸ Ano masamaamaanto ko dmak i, Kansiyaen ko Kawas. Onini ko niktonan no Kawas a nafaloco'an i tamowanan o malaccayay i ci Yis Kristoan a tamdaw.

¹⁹ Aka pilalang to tayal no Fangcalay 'Adingo.

²⁰ Aka pi^pec to pipakimad no pali'ayaway to sowal no Kawas.

²¹ Hapinangen a mipalita ko masamaamaanay a dmak. Ka'imeren ko nga'ayay a dmak.

²² Liyasen ko masamaamaanay a tatiihay a dmak.

²³ Nanay oya parihadayay a Kawas ko to^to sanay a misongila' a mikorac i tamowanan! Nanay masongila' a madipot ko 'adingo ato salo'afang ato tireng namo. Ta ano miliyaw a tayni ko Tapang ita ci Yis Kristo i, awaay ko tatoro'en a raraw namo!

²⁴ O so'linay a tati'eren ko mitahidangay tamowanan a Kawas. Saka, o lalahcien Ningra konini a dmak.

²⁵ Salikakaaw, pitolon to saki tamiyanan.

²⁶ Ka o fangcalay a kacacocop ko sakalalitmoh namo a malalicalicay ato salikaka a ma^min.

²⁷ O nano 'icel no Tapang ko sapalimo'ot ako i tamowanan. Asipen a patngil i salikaka a ma^min konini a tilid.

²⁸ Nanay, mapaini no Tapang a Yis Kristo ita kamo to mikomi!