1 Timoti 5 - 阿美語聖經-新約附詩篇箴言

O Saki no Salikaka a Sikining

¹ Aka kakteren ko mato'asay. Samatiyaen o mama no tireng ko nika somowal a pa'icel. Samatiyaen o salikaka no tireng ko faloco' iso to saki kapah a pa'icel.

² Samatiyaen o ina no tireng ko faloco' iso to saki mato'asay a fafahiyan. Samatiyaen o salikaka no tireng ko faloco' iso a makorac ko faloco' to saki ka^mangayho a fafahiyan a pa'icel.

³ Kangodoen ko kakasini'adaen a maponengay.

⁴ Nikawrira, ano ira ko wawa ano ^ca i, o wawa no wawa noya maponengay i, o papasifana'en cangra to malodmak no mitooray a midipot to paro no loma', ta mafana' cangra a patiko to pidipot no mama ato ina ano ^ca i, o pidipot no akong ato mamo nangra. Onini ko matatodongay i nafaloco'an no Kawas.

⁵ O Kawas ko kacifaloco'an no awaay ko palawinaan a maponengay. Mararid cingra to romi'ad to dadaya a milongoc a mitolon i Kawas to pipadama Ningra.

⁶ Nikawrira, ano ma'ori'orip ko haliacangay to no hkal a maponengay i, matiya o mapatayay cingra.

⁷ Pasowalen cangra to saka^caaw ka likaf nangra.

⁸ Ano ira ko caay pikihar to malininaay ato paro no loma' ningra a tamdaw i, o misiikoray cingra to pitoor ningra ci Kristoan. Ikaka no caay pipaso'lin to Kawas ko nika tatiih ningra.

⁹ Aka tiliden i panganganan to maponengay ko ngangan no caayho ka ^nem a polo' ko mihcaan a maponengay. O romasato, o kinaccayay aca a ciramod a fafahiyan ko tatiliden.

¹⁰ O mahapinangay ko nika nga'ay no lihaf a fafahiyan, o mafana'ay a midipot to wawa ningra, o halilafangay, o misawsaway to wa'ay no mitooray, o mipadamaay to mapadesay a tamdaw, o malalokay a matayal to masamaamaanay a nga'ayay a dmak ko tatiliden.

¹¹ Aka tiliden ko ngangan no ka^mangayho a maponengay. Nawhani o cacifaloco'ho cangra to sakaciramodaw. Orasaka, o mamiliyas cingra ci Kristoan.

¹² Ano mahaen i, o palasawaday cangra to niktonan nangra a faloco' i 'ayaw a malaciraraway.

¹³ O romasato, mananam cangra a matoka, mirarakat to lomaloma' a misalama. Caay konini a ccay. Malaymay cangra a somowal to masamaamaanay to caay ko sasowalen a sowal a micara to tao.

¹⁴ Orasaka, o longoc ako i, o nika ciramod no ka^mangayho a maponengay ko nga'ay. Ta ciwawa cangra, midipot cangra to loma' nangra. Ta awaay ko lalikafen no misa'adaay titaanan.

¹⁵ Nawhani iraayto ko romaroma a maponengay to miliyasay ci Kristoan a pasayra ci Satanan.

¹⁶ Nikawrira, ano cimalininaay ko mitooray ci Kristoan a fafahiyan to maponengay i, o dadipoten ningra koya maponengay. Onini i, o saka^caaw pipakaroray to kiwkay, ta deng o kakasini'adaan a maponengay ko papadamaen no kiwkay.

¹⁷ O kakangodoen ita ko kakrikridan no sa'opo no mitooray a ciwlo a palifon. Ikakaen ita ko pihaen to marorayay a patnak a pasifana' a ciwlo.

¹⁸ Nawhani o sowal a matilid i Fangcalay Cudad i, <> saan. O romasato a sowal i, <> saan.

¹⁹ Ano ira ko pakokotay to dmak no ciwlo i, ano awa ko tatosa tatolo a pawacayay i, aka tngilen.

²⁰ Patahkalen a mitoro' ko polong no ciraraway a tamdaw, ta matalaw a ciraraw ko romaroma a tamdaw.

²¹ I ka'ayaw no Kawas aci Yis Kristo ato mapili'ay a coyocoyoh kako a palimo'ot i tisowanan. 'Imeren konini. Aka pisakakinih kiso to dmak.

²² Aka ka tangsol a mikapa a patireng to tamdaw a palamatayalay to no Tapang. Aka pikapot to tao a ciraraw. Koracen ko tireng a ma'imer.

²³ Karaadada ko fitoka iso. Saka, aka ka o nanom a ccay ko nananomen iso. Nga'ayto a pasalong a mi'inip to fadisoso' a ^pah.

²⁴ O raraw no romaroma a tamdaw i, tangsolto a mahapinang yo caho ka sawkit koya tamdaw. Nikawrira, o raraw no romaroma a tamdaw i, i ikoray a mahapinang.

²⁵ Malcad tonini, tangsol a mahapinang ko nga'ayay a dmak. Ano caacaay ka hapinang i, caay ko mamasimed.