1 Pitiro 5 - 阿美語聖經-新約附詩篇箴言

O Masaflaway a Siri no Kawas

¹ Orasaka, pa'icelen ako kamo o ciwlo no sa'opo. Nawhani o sakalcad namo a o ciwlo kako. O pawacayay kako to nipisemsem ni Kristo. O romasato, o mamikapot kako Cingraan i katalahkalan no 'dil Ningra.

² Dipoten ko nipatorodan no Kawas i tamowanan a masaflaway a siri Ningra. Aka ka o nipaci^cian. Toor han ko nafaloco'an no Kawas a milonok a midipot cangraan. Aka ka o milifonay ko harateng namo a midipot. Ka o nai faloco'ay ko nika tayal namo tonini.

³ Aka pipa^kel a mikowan to nipatorodan i tamowanan a siri. Ka o malopi'arawan no masaflaway a siri kamo.

⁴ Ta ano irato a talahkal ko Sakakaay a Midipotay i, o mamilayap kamo to caay ko mamalasawad ko 'dil a tamohong.

⁵ O romasato, kamo o kapah a tamdaw, pihaklong to mato'asay. Ca'dongen ko misapo^neray a faloco' a masasipadapadang. Nawhani o sowal a matilid i Fangcalay Cudad i, <> saan.

⁶ Saka, ka i kamay no Ci'icelay a Kawas a misapo^ner kamo, ano hatira i, ano maraodto ko romi'ad i, pacakaten no Kawas kamo.

⁷ Patorod han i Kawas ko polong no rawraw no faloco' namo. Nawhani pa'ayaw ko Kawas a sida'it i tamowanan.

⁸ Sinanoten ko faloco'. Kapalalto kamo. Nawhani matiya o miltohay a layon ko 'ada namo a Palafoay a misataliyoliyok a mikilim to mamata'mod nira a tamdaw.

⁹ Saka, tanekteken ko nipiti'er namo i Kawas a pacoli toya 'ada. Nawhani mafana' kamo, ano i cowacowaayto a salikaka namo i, malcadayto ko nipilifet nangra to matiniay a pades.

¹⁰ I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.

¹¹ Nanay, caay ka citolas ko pikowan no Kawas! Amin.

O Sapaikor a Sowal

¹² Mipadang i takowanan ci Silas o so'linay a salikaka a mitilid tonini a kamoko'ay a sapatilid ako i tamowanan. O pipa'icel ato pipawacay ako i tamowanan konini to nika o so'linay ko mikomi no Kawas. Saka, ka tanoktok kamo i kafkang nonini a mikomi.

¹³ Nga'ayho saan i tamowanan ko i tiraay i Papilon a kiwkay a sakalcad namo a o nipili'an no Kawas a salikaka ato wawa ako ci Maroko.

¹⁴ Ka o no misaKristoay a olah ko sakacacocop namo a malalicalicay. Nanay, rihaday kamo o mitooray ci Kristoan a ma^min.