1 Pitiro 4 - 阿美語聖經-新約附詩篇箴言

O Mafalicayto ko Pinangan

¹ O nano misemsemay ko tireng ni Kristo. Saka, haenen ko namo a mipatala to faloco'. Nawhani o misemsemay ko tireng a tamdaw i, maliyasto ningra ko raraw.

² Saka, i ikor nonini i, ka o nafaloco'an no Kawas ko tatooren namo tangasa i tolas no 'orip namo i tini i hkal. Akato pitoor to 'anof no tireng.

³ Naniti:yaho kamo a midmak to kaolahan no roma a finacadan a dmak a ma'otit, ma'anof, malasang, haliacang to no hkal. Malali^pah kamo. O ka'osian ko dmak namo a mita'ong to samiyay. Ma^dengto. Akato piliyaw to matiraay.

⁴ Fahka' cangra o roma a finacadan anini to nika ^cato pinaol namo a milcad to dmak nangra a macilas. Saka, mitongangan cangra tamowanan.

⁵ Nikawrira, o papatalahkal cangra a pasowal to nano dmak no tireng i mamisawkit a Kawas to ma'oripay ato mapatayay a tamdaw.

⁶ Onini ko saka halomapatayay a tamdaw a mapatnak to Nga'ayay Ratoh. Talacowa o masawkitayto cangra yo ma'oripho cangra i tini i hkal a matiya o kalotamdaw, nikawrira, mapatnak ko Nga'ayay Ratoh i cangraan o salo'afang to saka'oripaw nangra a milcad to Kawas a ma'orip.

O Nga'ayay a Citodongay to Niparocekan no Kawas

⁷ Mangatato ko pahrekan no hkal. Saka, sinanoten ko faloco' namo. Kapalal a mitolon.

⁸ O kakalimlaan a dmak i, o nika so'lin no kasasiolaolah namo. Nawhani pakayni i nika sasiolaolah namo ko sakapadeng no adihayay a raraw.

⁹ Kasasihamham kamo. Aka ka ngaliwngiw.

¹⁰ Tona masasiromaroma ko pipafli no Kawas i kahaccaccay to sakacirocek to maamaan a malanga'ayay a matayalay, saka do^doen ko nilayapan nai Kawas a masamaamaanay a rocek a pakatayal a masasipadapadang.

¹¹ O pakimaday a tamdaw i, ka o sowal no Kawas ko sasowalen. O matayalay a tamdaw i, ka o nipaflian no Kawas a 'icel ko sakatayal. Ta pakayni i ci Yis Kristoan a mapahmek ko Kawas i masamaamaanay a dmak. Nawhani o ci'dilay, o ci'icelay Cingra a tahada'oc! Amin.

O Pihadidi to Pades

¹² Kaolahan ako a salikaka, ano ira ko matiyaay o nipitodoh no namal a pilifet no Kawas tamowanan i, o maan konini, aka ka saan kamo a fahka'.

¹³ O mikihatiyaay mi'isalay kami to pades ni Kristo, han ko faloco' namo a lipahak. Ta ano talahkalto ko nika ci'dil ni Kristo i, o sakatadamaanto no lipahak namo.

¹⁴ Ano o nipitoor namo ci Kristoan ko sakasamsam namo i, o malmeday kamo. Nawhani i tini a mahapinang ko nika ^pod no tadamaanay a 'Adingo no Kawas i tamowanan.

¹⁵ Nikawrira, Ano o nipipatay no nima namo to tamdaw, ano ^ca i, o nipitakaw, ano ^ca i, o nika ciraraw no dmak namo, ano ^ca i, o nika patdo namo a mikihar to dmak no tao ko sakapades namo i, caay ka nga'ay.

¹⁶ Ano nipisaKristo namo ko sakapades i, aka ka ngodo, malasaka'dil no Kawas ko nika cingangan namo to ni Kristo.

¹⁷ Maraodto ko pisawkitan no Kawas a romi'ad. O paro no loma' no Kawas ko mamalosa'ayaway a sawkiten. Ano kita ko sa'ayaway a masawkit i, mangalef ko nika tatiih no pahrekan no caay paso'lin to Nga'ayay Ratoh no Kawas.

¹⁸ Mato sowal a matilid i Fangcalay Cudad, <> saan.

¹⁹ Orasaka, o mamapades ko tamdaw to nano pihaklong nangra to nafaloco'an no Kawas. O matiniay a tamdaw i, o papakaynien nangra i nika nga'ay no dmak nangra ko nipipaconoh i so'linay a tati'eren a misanga'ay cangraan a Kawas to tireng nangra.