1 Pitiro 3 - 阿美語聖經-新約附詩篇箴言

O Fafahi ato Fa'inay

¹ Haenen ko namo o fafahi a tamdaw a mihaklong to fa'inay namo. Ta ano caacaay paso'lin to sowal no Kawas ko fa'inay namo, oya nga'ayay a dmak namo ko sapatiri' cangraan. Ta ano caacaay pasowal kamo to maan i, masolot ko faloco' nangra.

² Nawhani minengnengay cangra to nika ngodo namo to Kawas ato nika fangcal a makorac ko dmak namo.

³ Caay ko nipiporong to fokes ato nipica'dong to tada^kim ato nika ciriko' to makapahay ko sapa^res namo to tireng.

⁴ Ka o i laloma'ay namo a damsayay ato masinanotay a faloco' ko sapa^res namo to tireng. O mida'ocay, tadamaanay a nengnengen no Kawas konini.

⁵ O no iti:yaayho a pasayraay i Kawas a makoracay ko faloco' a fafahiyan i, mahaen ito ko nika ^res nangra a mihaklong to fa'inay nangra.

⁶ Mahaen ci Sara. Mihaklong cingra ci Aprahaman. <> ako han ningra cingra a mitahidang. Ano nga'ayay ko dmak namo, ano caay ka talaw kamo to maamaan a dmak i, o wawa ni Sara kamo.

⁷ Haenen ko namo o fa'inay a tamdaw. I tini i nika laccay iso ato fafahi iso i, kafana' a pa'ayaw cingraan. Nawhani isafaay iso ko 'icel ningra. O malcaday kamo a o mamilayap to sapafli no Kawas a fa^lohay a 'orip. Saka, kangodoen cingra. Ta awaay ko micaraay to pitolon namo a tatosa.

O Misemsemay to Nano nika Mo^cel no Dmak

⁸ Saikoray a sowal ako i, palaccayen ko faloco' namo a masasipa'ayaw. Kasasiolah kamo o salikaka. Kasasini'ada'ada kamo. Kasasingodongodo ko faloco' namo.

⁹ Aka ka o tatiihay ko sapaco'ay to tatiihay. Aka ka o pisamsam ko sapaco'ay to misamsamay tamowanan. Ka o pipalmed ko sapaco'ay namo. Nawhani o sapalmedaw tamowanan ko patosokan no nipitahidang no Kawas tamowanan.

¹⁰ Mato sowal a matilid i Fangcalay Cudad, <

¹¹ O fafalahen ningra ko tatiihay ta midmak to nga'ayay, o sasarocoden ningra ko faloco' a misa'icel to sakararihaday.

¹² Nawhani midipot ko Tapang to mo^celay a tamdaw, mitngil Cingra to pitolon nangra. Nikawrira, makter ko Tapang to tatiihay ko dmak a tamdaw,>> saan.

¹³ Ano malalokay kamo to nga'ayay a dmak i, cima ko mamikari'ang tamowanan?

¹⁴ Nikawrira, ano mapadepades kamo to nano nika mo^cel no dmak namo i, o malmeday kamo. Aka ka talaw kamo to pipatalaw no nimanima. Aka ka rawraw ko faloco' namo.

¹⁵ O Tapang ako ci Kristo han ko faloco' a mingodo i Cingraan. Kararid kamo a mipatala ta ano cimacimato ko milongocay i tamowanan to sapisahciaw namo a pasowal to pakayniay i pafaloco'an namo i, ira ko sapaca'of namo.

¹⁶ Nikawrira, ka o damsayay ato mangodoay a faloco' ko sapaca'of namo. 'Imeren ko nga'ayay a faloco' namo. Ta ano iraira ko misamsamay tamowanan to nika nga'ay no dmak namo a mitoor ci Kristoan i, mapakangodo cangra to pilokes nangra.

¹⁷ Ano o nafaloco'an no Kawas ko sakapades namo to nano nika nga'ay no dmak namo i, orira ko nga'ay to nika pades namo to nano nika tatiihan no dmak namo.

¹⁸ Nawhani, na o kinaccay aca ci Kristo a mapatay to sakahpol no raraw, o mo^celay Cingra a patado to caay ka mo^cel a tamdamdaw. Onini i, o sapikridaw Ningra tamowanan a papiraod to Kawas. Talacowa o nipatayan ko tireng Ningra, nikawrira, ma'oripay ko 'Adingo Ningra.

¹⁹ Ta tayra Cingra i marofoay a salo'afang no tamdaw a mipatnak to sowal.

²⁰ Onini a marofoay a salo'afang no tamdaw hananay i, o mitoro'ay to na Nowaanho a 'orip. Yo misanga' ci Nowa to lonan i, hadidi han no Kawas ko tamdaw a mitala to nika falic no faloco' nangra. Nikawrira, caay pitoor cangra to sowal no Kawas. Caay ka papina ko micomoday to lonan. Fafalo aca ko mapa'oripay pakayni i nanom.

²¹ Onini a nanom i, o todongto no pa'oripay tamowanan a ino'. Pakayni i nika lomowad ni Yis Kristo a ma'orip nai patay ko nipipa'orip no ino' tamowanan. Misawsaway to 'oning no tireng ita konini a ino'. Oya makoracay a nga'ayay a faloco' ko sapikton ko faloco' i Kawas.

²² Talakakarayanto ci Yis Kristo a maro' i kawanan no Kawas imatini, kowanen Ningra ko coyocoyoh ato mikowanay i kakarayan ato cisakowanay a ma^min.