1 Pitiro 1 - 阿美語聖經-新約附詩篇箴言

¹ O Tarokos ni Yis Kristo kako ci Pitiro. Patilid kako tamowanan o maliwasakay a maro' itira i Pontus, i Kalatiya, i Kapatokiya, i Aciya ato Pitiniyaay a nipili'an no Kawas a salikaka.

² O nano nafaloco'an no Wama a Kawas a nipili'an Ningra kamo, o mapalafangcalay no Fangcalay 'Adingo a papitoor i ci Yis Kristoan a nikoracan no rmes Ningra kamo. Nanay, mapakadofah no Kawas a mapaini kamo to mikomi ato rihaday!

O Ma'oripay a Pafaloco'an

³ O aahowiden ita ko Kawas o Wama no Tapang ita ci Yis Kristo! Nawhani tadamaan ko adayay Ningra, saka, pakayni i kalomowad ni Yis Kristo a ma'orip nai patay, ta mapafli kita to fa^lohay a 'orip, ato saka ira no ma'oripay a pafaloco'an ita,

⁴ onini ko sakahalamham ita to nina'angan no Kawas i kakarayan a sakalmed. Onini a sakalmed i, o caay ko mamapohed, caay ko mama'oning, caay ko mamalasawad,

⁵ a malosapafli no Kawas i tamowanan, pakayni i nipiti'er namo to Kawas a mararid a madipot no 'icel Ningra kamo, tangasa i pipatalahkalan to nipatalaan a sapa'orip i saikoray a romi'ad.

⁶ Orasaka, kalipahak kamo tonini. Ano mapakaroraroray kamo anini to masamaamaanay a pades i, caay ko halafinay konini.

⁷ O patosokan no nika pades namo i, o pilifet to piti'er namo ci Kristoan. Ta mahapinang ko so'linay a piti'er namo. Matiya o pi'olac to tada^kim a mitodoh ko pilifet tamowanan. Tadaikakaay no tada^kim ko nika o kakalimlaan ko nipiti'er namo ci Kristoan. Saka, o lalifelifeten aca ko piti'er namo. Ta caay ka lasawad konini. Ta ano talahkalto ci Yis Kristo i, makahmek, ci'dil, tadamaan kamo.

⁸ Talacowa caayho paka'araw kamo Cingraan, nikawrira, maolah kamo i Cingraan. Talacowa caay ka 'araw namo Cingra anini, nikawrira, paso'lin kamo i Cingraan. Saka, ira i faloco' namo ko caay ko mamafilo a patalahkalen i ngoyos a tadamaanay a lipahak namo.

⁹ Nawhani o milayapay kamo anini to hci no piti'er namo to Kawas, oya pipa'orip to salo'afang namo.

¹⁰ Pakayniay tonini a pipa'orip no Kawas i, mahrekto ko iti:yaayho a pali'ayaway to sowal no Kawas a misongila' a mikadkad to pakayniay i malosapafli no Kawas tamowanan a mikomi.

¹¹ Oya iraay i cangraan a 'Adingo ni Kristo o pali'ayaway a pahapinang i cangraan to pakayniay i nipisemsem ni Kristo ato nika ci'dil Ningra i ikor nonini. Saka, <> saan cangra a misa'icel a mikadkad.

¹² Mapahapinang no Kawas i cangraan o iti:yaayho a pali'ayaway to sowal no Kawas ko nika caay ko saki cangraan ko tayal nangra. O saki tamowanan ko tayal nangra. Pakaynien no nai kakarayanay a Fangcalay 'Adingo i patnakay to Nga'ayay Ratoh ko nipipatngil i tamowanan tonini a dmak. Halocoyoh a mangalay a mihapinang tonini.

O Makoracay a 'Orip

¹³ Orasaka, pipatala to faloco' kamo, kararid a misinanot, sa'icelen a mitadi'ec ko faloco' i sapaini i tamowanan a mikomi i katalahkalan ni Yis Kristo a romi'ad.

¹⁴ Ka o mitngilay to sowal kamo. Akato pihaklong to masamaamaanay a 'anof namo a matiya o dmak namo yo mafokilho kamo to Kawas.

¹⁵ Kamatiya o nika fangcal no mitahidangay tamowanan a Kawas ko nika fangcal namo i polong no dmak namo.

¹⁶ Nawhani o sowal a matilid i Fangcalay Cudad i, <> saan.

¹⁷ O Wama han namo Cingra a milongoc a mitolon. O caay pisakakinih to tamdaw, o dmak no kahaccaccay ko malopi'arawan Ningra a misawkit. Ano hatira i, kangodoen Cingra tangasa i tolas no 'orip namo.

¹⁸ Mafana' kamo, nano mapalitay kamo to nipatorodan no tato'asan namo i tamowanan a awaay ko ^poc a lkakawa. Nikawrira, matdalto kamo anini. O sakatdal namo i, caay ko nano nipa'acaan to ^kim ato tada^kim. Nawhani o mamalasawad konini.

¹⁹ O nano tadamaanay a rmes ni Kristo, o matiyaay o rmes no caay ka cisamo' a tadasiri ko sapitdal tamowanan.

²⁰ I 'ayaw no nika sanga' no hkal i, mahrekto ko Kawas a mipili' ci Kristoan. Nikawrira, i tini i pahrehrekan no hkal i, talahkal Cingra to sakatdal namo.

²¹ Orasaka, pakayni i ci Kristoan ko sakapaso'lin namo to palowaday a pa'orip ci Kristoan nai patay a mipalatadamaanay Cingraan a Kawas. Saka, onini a Kawas ko piti'eran namo ato kacifaloco'an namo.

²² Anini sato, tona mihaklong kamo to so'lin, o makoracayto namo kamo, ta o malkakaayto kamo ato romaroma a mitooray, kao nai faloco'ay namo a masasiolaolah.

²³ O masafalo^hayto a hofocen kamo, caay ko nano mapoheday a sapaloma a nihofocan, o nano caay ka pohed a sapaloma, oya mida'ocay a ma'oripay a sowal no Kawas a nihofocan.

²⁴ Nawhani o sowal a matilid i Fangcalay Cudad i, <

²⁵ Nikawrira, caay ko mamalasawad ko sowal no Tapang,>> saan. Onini a sowal koya nipatnakan i tamowanan a Nga'ayay Ratoh.