1 Korinto 8 - 阿美語聖經-新約附詩篇箴言

O Nipacakatan i Samiyay a Kakaenen

¹ O licay namo i takowanan to pakayniay i nipacakatan i samiyay a kakaenen i, so'linay koya sowal to <> sanay. Nikawrira, malasakapisatakaraw no faloco' no tamdaw ko nika fana'. Nawhani, deng o olah ko palatamdamdaway to tamdaw.

² O mafana'ay kako, ano saasaan ko tamdaw i, caayho ka fana' cingra to kalimlaan a kakafana'en.

³ Nikawrira, ano maolah ko tamdaw to Kawas i, kafana'anto no Kawas koya tamdaw.

⁴ O pakayniay i nika komaen to nipacakatan i samiyay a kakaenen i, mafana' kita to nika caay ko kawas ko samiyay. Deng ccay aca ko Kawas. Awaay ko roma.

⁵ Talacowa hato iraay ko <> hananay i kakarayan ato i hkal, talacowa 'aloman konini a <> ato <> hananay,

⁶ nikawrira, deng o Wama a Kawas a ccay ko Kawas ita. O misanga'ay Cingra to kalomaamaan. O saki Cingraan ko nika 'orip ita. Deng ci Yis Kristo a ccay ko Tapang. Pakayni i Cingraan ko sakasanga' no kalomaamaan. Cingra ko sakaira ita a ma'orip.

⁷ Nikawrira, caay ka ^min a mafana' ko tamdaw tonini a sowal. O roma a tamdaw i, tahanini a mananam cangra a mita'ong to samiyay. Saka, ano komaen cangra i, o kakaenen no samiyay konini saan ko harateng nangra. Tona tadancaho ko nga'ayay a faloco' nangra saka, yo komaen cangra i, mapaack ko faloco' nangra.

⁸ Nikawrira, caay ko kakaenen ko papingataay titaanan i Kawas. Ano caacaay ka komaen kita i, awaay ko sipon ita. Ano komaemaen kita i, caay ko sakaci^poc ita.

⁹ O saka^caaw ka tolo' no tadancaayho ko piti'er i ci Kristoan a tamdaw saka, o nipina'on namo o pakoniraay ko dmak ko nga'ay.

¹⁰ Tinako sa, ano paka'araw ko tadancaayho ko nga'ayay a faloco' to nipitahka iso <> a tamdaw i pita'ongan to samiyay i, caay ko mikayhiday kiso i cingraan to sakakomaenaw ningra to nipacakatan i samiyay a kakaenen saw?

¹¹ O saki tonini a tadancaayho ko piti'er a tamdaw ko nika patay ni Kristo. 'Arawhani, pakayni i <> iso ko sakatkop nonini a salikaka.

¹² Ano mahaen ko nika ciraraw namo i ka'ayaw no salikaka a padoka' to tadancaay a faloco' ningra i, o ciraraway kamo i ka'ayaw ni Kristo.

¹³ Orasaka, ano o nikakomaenan ako to titi ko sakatahfikod no salikaka a ciraraw i, caayto ko kakomaen kako to titi a tahada'oc. Ta caayto ka tahfikod a ciraraw ko salikaka.