1 Korinto 7 - 阿美語聖經-新約附詩篇箴言

O Saki Mararamoday a Licay

¹ Paca'of kako toya nipatilidan namo a licay. O nika ^ca ka ciramod no fa'inayan ko sanga'ayay.

² Nikawrira, tona 'aloman ko ma'odangay saka, o nika cifafahi no fa'inayan ato nika cifa'inay no fafahiyan ko nga'ay.

³ O lalahcien no fa'inay a cisikining to saki fafahi. Malcad tonini, o lalahcien no fafahi a cisikining to saki fa'inay a masasipa'ayaw to faloco'.

⁴ Caay ka citodong ko fafahi a mikowan to tireng ningra. O fa'inay ningra ko citodongay tonini. Malcad tonini a caay ka citodong ko fa'inay a mikowan to tireng ningra. O fafahi ningra ko citodongay tonini.

⁵ Aka ka sasina'ay. Nikawrira, o sakasarocodaw no pitolon namo i, o nika lalcadan no faloco' ko sakalaliyas namo to pinapina a romi'ad ta miliyaw haca a malaccay. Ta caay ka sa'fit ni Satan kamo tona ^ca paka'met kamo to tireng.

⁶ O sakasaan ako a somowal i, aka ka ciramod, caay ko nika saan ako a palimo'ot. O mihaydaay kako.

⁷ O harateng ako i, nanay milcad kamo a ma^min i takowanan a caay ka ciramod saan kako. Nikawrira, masasiroma ko nipipafli no Kawas to rocek i kahaccaccay ita. Saka, mahaen ko ningra a 'orip, mahaen ko nonini a 'orip.

⁸ O romasato, pasowal kako i tamowanan o caayho ka ciramod a tamdaw ato maponengay. Ano pakapilcad kamo i takowanan i, orira ko nga'ay.

⁹ Nikawrira, ano caay paka'met kamo i, o nika ciramod namo ko nga'ay. O nika ciramod ko nga'ay to nika rafraf no faloco'.

¹⁰ O romasato, palimo'ot kako i ciramoday a tamdaw. Nikawrira, caay ka o kako ko palimo'otay, o Tapang. Aka piliyas kamo o fafahi to fa'inay namo.

¹¹ Nikawrira, ano o malaliyasay kiso ato fa'inay iso i, caay ka nga'ay kiso a miliyaw a ciramod. Ano ^ca i, o nika lali'ay ato fa'inay iso ko nga'ay. O romasato, aka piliyas kamo o fa'inay to fafahi namo.

¹² O romasato, pasowal kako i romaroma a tamdaw. Nikawrira, (caay ko Tapang ko somowalay), kako ko somowalay. Ano ira ko cifafahiay a salikaka to caayho pipaso'lin ci Kristoan i, ano maolah koya fafahi a cicafay to fa'inay ningra i, aka piliyas toya fafahi.

¹³ Ano ira ko cifa'inayay a salikaka to caayho pipaso'lin ci Kristoan i, ano maolah koya fa'inay a cicafay to fafahi ningra i, aka piliyas toya fa'inay.

¹⁴ Nawhani pakayni i nika raramod nangra a mapalmed no Kawas koya caay pipaso'lin ci Kristoan a fa'inay. Malcad tonini, pakayni i nika raramod no tatosa a mapalmed no Kawas ko caay pipaso'lin ci Kristoan a fafahi. Ano caay ka hatira i, matiya o caay ko mamalayap no Kawas ko wawa namo. Nikawrira, mapalmedto no Kawas i matini ko wawa namo.

¹⁵ Nikawrira, ano sapiliyasan ko caay paso'lin ci Kristoan a ramod i, pakonira han ko nipiliyas ningra. Ano ira ko hatiniay a dmak i, caay ka palit ko faloco' noya paso'linay a fa'inay, ano ^ca i, o fafahi. O sakasaan i, o saparihadayaw i tamowanan ko nipipili' no Kawas tamowanan.

¹⁶ Kiso o paso'linay ci Kristoan a fafahi i, caay ka fana' kiso to nika o mamapa'orip no Kawas ko fa'inay iso ano ^ca i, caay. Kiso o paso'linay ci Kristoan a fa'inay i, caay ka fana' kiso to nika o mamapa'orip no Kawas ko fafahi iso ano ^ca i, caay.

Do^do han ko Sa'osi no Kawas a Ma'orip

¹⁷ Ano masamaan ko sa'osi no Tapang to pakayniay i 'orip iso yo mitahidang ko Kawas i kahaccaccay namo a papitoor i, aka ka cangal tonini. Onini ko limo'ot ako i kasakiwkay.

¹⁸ Ano makritayto kiso yo mitahidang ko Kawas tisowanan i, aka palasawaden ko nika krit iso. Ano caay ka krit kiso yo mitahidang ko Kawas tisowanan i, ^ca han pido^do to krit a lisin.

¹⁹ Caay ko kakalimlaan ko nika krit ato nika ^ca ka krit. O kakalimlaan i, o nipido^do to limo'ot no Kawas.

²⁰ Ano masamaan ko 'orip no kahaccaccay namo yo matahidang no Kawas i, haenen a pararid.

²¹ Ano o koli kiso yo matahidang no Kawas i, nga'ayto. Nikawrira, ano mama^deng kiso a miliyas to kalakolian iso matdal i, o nipiliyas iso ko nga'ay.

²² Ano matahidang no Tapang a mitdal ko koli i, o matdalayto no Tapang a tamdaw. Malapakoniraayto cingra a malakoli ni Kristo.

²³ O ni'acaanto no Kawas kamo. Orasaka, aka ka lakoli no tamdaw kamo.

²⁴ Salikakaaw, ano masamaan ko 'orip no kahaccaccay namo yo matahidang no Kawas i, haenen a pararid i tini i nika laccay no faloco' iso ato Kawas.

O Pakayniay i Caay ka Ciramod ato Maponengay a Licay

²⁵ Oya licay namo i takowanan to pakayniay i caayho ka ciramod a tamdaw i, caay pipahapinang ko Tapang i takowanan to malosapaca'of ako i tamowanan. Nikawrira, tona sini'ada ko Kawas i takowanan saka, malapitadi'ecan no tamdaw kako. Saka, pasowal kako i tamowanan to niharatengan ako.

²⁶ Tona o kacalemceman ko dmak anini saka o harateng ako i, kaoyananto a 'orip noya tamdaw ko nga'ay saan kako.

²⁷ Ano cifafahiayto kiso i, aka piharateng to sapaliyasaw to fafahi. Ano o caayay ka cifafahi kiso i, aka piharateng to sakacifafahiaw.

²⁸ Nikawrira, ano ciramod kiso i, caay ko raraw konini. Ano ciramod ko limecedan i, caay ko raraw konini. Nikawrira, o mamaroray ko mararamoday a tamdaw. Caay ka ngalay kako to sakarorayaw namo.

²⁹ Salikakaaw, pasowal kako i tamowanan, tona caayto ka hakowa ko romi'ad saka, i ikor nonini i, samatiyaen o caay ka cifafahi ko dmak namo o cifafahiay a tamdaw.

³⁰ Samatiyaen o caay ka rarom ko dmak namo o tomangicay. Samatiyaen o caay ka lipahak ko dmak namo o lipahakay. Samatiyaen o caay ka citatoy to maamaan ko harateng namo o micakayay a tamdaw.

³¹ O ci dafongay a tamdaw i, samatiyaen o caayay kacidafong ko harateng namo. Nawhani o mamalahdaw konini a hkal.

³² O nika somowal ako tonini i, o saka^caaw ka roray no faloco' namo. O caay ka ciramod a fa'inayan i, <> saan cingra a pa'ayaw a miharateng to tayal no Tapang.

³³ Nikawrira, o ciramoday a fa'inayan i, <> saan cingra a maroray a miharateng to no hkalan a dmak.

³⁴ Malatosa ko faloco' ningra. Nikawrira, o caay ka ciramod a fafahiyan ato limecedan i, <> saan cingra a miharateng to tayal no Tapang. Nikawrira, o ciramoday a fafahiyan i, <> saan cingra a miharateng to no hkalan a dmak.

³⁵ O sakasaan ako a somowal tonini i, o pa'ayaw ako tamowanan. Caay ko sapilalangaw i tamowanan. O sakasongila'aw no dmak namo ato sakasarocodaw namo a matayal to saki Tapang.

³⁶ O romasato, ano mapatapangto ko tatosaay, nikawrira, caay ko mamararamod kita ano saan ko pikton nangra to faloco'. Nikawrira, harateng sa koya fa'inayan, caay paka'met kako to nika rafraf no faloco' ako. Orasaka, o nika raramod niyam ko nga'ay, ano saan cingra i, o nika raramod nangra ko nga'ay. Ano haenen nangra i, caay ko raraw konini.

³⁷ Nikawrira, ano o faloco' noya fa'inayan ko saka^ca ka raramod nangra (ano caay ko nipaci^cian no tao, o nano tireng a tatodong a niktonan), ano paka'met cingra i, o nika ^ca ka raramod to malofafahi ko nga'ay.

³⁸ Orasaka, o nika ciramod toya limecedan i, nga'ayayto. O nika ^ca ka ciramod cingraan i, mangalef ko nika nga'ay.

³⁹ Yo ma'oripho ko fa'inay i, mapalit no rikec no mararamoday ko fafahi. Nikawrira, ano mapatayto ko fa'inay i, mapakonirato cingra a ciramod to kaolahan ningra. Nikawrira, deng o mitooray to Tapang a tamdaw a ccay ko matatodongay.

⁴⁰ Nikawrira, o faloco' ako i, ano mama^deng a caay ka ciramod cingra, orira ko tadamalmeday. Mapafaloco' no 'Adingo no Kawas kako saan ko harateng ako.