1 Korinto 3 - 阿美語聖經-新約附詩篇箴言

O Matayalay no Kawas

¹ Salikakaaw, so'linen ako a somowal kamo, o maaro'ay no Fangcalay 'Adingo cangra, caay ka saan kako a somowal i tamowanan. Nawhani o no tirenganho a pinangan ko pitooran namo. Saka, haen han ako o ka^mangayho i ci Kristoan ko faloco' a mitoor ko nika somowal i tamowanan.

² O hacolho ko sapakaen ako i tamowanan, caay ko 'atkakay a kakaenen. Nawhani caho ka fana' kamo a komaen to 'atkakay. Tahanini a caho ka fana' kamo a komaen to 'atkakay.

³ Nawhani ma'inap, macacoli kamo. Caay hakiya ko pahapinangay konini to nika o no tirenganho ko pinangan namo a mitoor a matiya o 'orip no kalotamdaw?

⁴ O sowal no roma namo i, <> saan. O sowal no roma namo i, <> saan. Tona mahaen ko dmak namo saka, caay ko malcaday kamo ato kalotamdaw saw?

⁵ O maan ci Apolos? O maan ci Pawlo? O matayalay no Kawas kami. O mamikrid aca i tamowanan a papiti'er to Kawas. O pilahci aca niyam to niparocekan no Tapang i tamiyanan a tayal.

⁶ O palomaay kako. O micfosay ci Apolos. Nikawrira, o Kawas ko palahaday tonini.

⁷ Orasaka, o kakalimlaan i, caay koya palomaay ato micfosay a tamdaw. Deng oya palahaday a Kawas ko kakalimlaan.

⁸ O malcaday ko mipalomaay ato micfosay a tamdaw. O nitayalan no kahaccaccay ko pi'arawan no Kawas a palifon.

⁹ O kapot no Kawas kami a matayal. O omah no Kawas kamo. O romasato, o nipatirengan no Kawas a loma' kamo.

¹⁰ Matiya o matanengay a misaloma'ay kako a pakatayal to nipaflian no Kawas i takowanan a rocek. Kako ko patirengay to paranaan. Ta o tao ko patirengay to loma' i fafaed nonini. Nikawrira, o nana'onen no kahaccaccay ko dmak a patireng i fafaed nonini a paranaan.

¹¹ Nawhani, dengan ci Yis Kristo ko mipatirenganto no Kawas a malaparanaan. Saka, caayto ko papatirengen ko roma a paranaan.

¹² I fafaed nonini a paranaan i, ira ko patirengay to tada^kim ato ^kim ato tadamaanay a fokloh. Ira ko patirengay to kilang ato eli' ato 'asisiw.

¹³ Ano maraod ko pisawkitan a romi'ad i, o mamahapinang ko nika masamaan ko nitayalan no kahaccaccay a tamdaw. Nawhani itiya toya romi'ad i, o namal ko sapilifet no Kawas a mihapinang to nika masamaan ko nitayalan no kahaccaccay.

¹⁴ Ano nima a nipatirengan ko ma'osaway i, o mamilayap koya tamdaw to sapakaolah.

¹⁵ Ano matodoh ko nipatirengan no nima i, o mamasipon koya tamdaw. Nikawrira, o mamatiya o masadakay nai namal cingra a mapa'orip.

¹⁶ Kafana'anto namo, o Fangcalay Pita'ongan to Kawas ko tireng namo. O kamaro'an no Kawas a 'Adingo ko faloco' namo.

¹⁷ Saka, ano cima ko miri'angay to Fangcalay Pita'ongan to Kawas i, o tatkopen no Kawas koya tamdaw. Nawhani o fangcalay ko Pita'ongan to Kawas a loma', o tireng namo ko nisowalan tonini a Fangcalay Pita'ongan to Kawas.

¹⁸ Aka pisafana' to tireng. Ano ira i tamowanan ko citanengay kako sanay ko harateng to no aniniay a hkal a taneng i, o nika apa noya tamdaw ko nga'ay ta malaso'linay a citanengay cingra.

¹⁹ Nawhani o taneng hananay no aniniay a tamdaw i, o maapaay a nengnengen no Kawas. Mahaen ko sowal a matilid i Fangcalay Cudad, <> saan.

²⁰ O roma a sowal a matilid i, <> saan.

²¹ Orasaka, aka ka lata'ang kamo to nidmakan no tamdaw. O nano Kawas a nipa'ayawan ko dmak namo a ma^min.

²² Ano ci Pawloto, ano ci Apolosto, ano ci Pitiroto i, o niocoran no Kawas to mamipadang i tamowanan. Ano o hkalto, ano o 'oripto, ano o patayto i, o nipaflianto no Kawas. Ano i matiniayto, ano a irato a dmak i, o nano nipa'ayawanto no Kawas a ma^min konini.

²³ O ni Kristo kamo. O no Kawas ci Kristo.