1 Korinto 15 - 阿美語聖經-新約附詩篇箴言

O Nika Lomowad ni Kristo a Ma'orip nai Patay

¹ Salikakaaw, mangalay kako a papiharateng i tamowanan toya nipatnakan ako i 'ayaw a Nga'ayay Ratoh. Malayapto namo konini. Onini a Nga'ayay Ratoh ko palamitan no piti'er namo ci Kristoan.

² Ano caay pipacfa ko pipaso'lin namo, ano 'imeren namo a mitoor koya nipatnakan ako a sowal i, mapa'orip kamo pakayni tonini a Nga'ayay Ratoh.

³ Mapasowalto ako i tamowanan ko nilayapan ako a kakalimlaan a Nga'ayay Ratoh toya Mapatay ci Kristo to sakahpol no raraw ita sanay a sowal no Fangcalay Cudad.

⁴ O romasato, <> saan ko sowal no Fangcalay Cudad.

⁵ Pa'araw Cingra i ci Pitiroan. Do^do sa i, pa'araw i tosa ko safaw a tarokos.

⁶ Nanoya, yo ccay a romi'ad pa'araw Cingra i cisafaway ko lima a so'ot a mitooray Cingraan. Iraho a ma'orip ko 'alomanay nonini. Irato ko mapatayay nangra to papinapina.

⁷ Nanoya, pa'araw ci Kristo i ci Yakopan, ta pa'araw Cingra i polong no tarokos.

⁸ Saikoray i, pa'araw Cingra i takowanan o caay pilcad to kalohofoc no tamdaw a hofocen.

⁹ O sasafaay a tarokos kako. Caay ka tatodong kako a cingangan a malatarokos. Nawhani nano mikari'angay kako to kiwkay no Kawas.

¹⁰ Nikawrira, o sakamatini no mako i, o nano mikomi no Kawas. Caay ko nika awa no ^poc no mikomi no Kawas i takowanan. Mikikaka kako to romaroma a tarokos a maroray tona adihay ko tayal. Nikawrira, caay ka o kako ko midmakay tonini. Oya iraay i takowanan a mikomi no Kawas ko midmakay tonini.

¹¹ Orasaka, ano kakoto, ano cangrato i, onini ko nipatnakan niyam. Onini ito ko nipaso'linan namo.

O Nika Lomowad no Mapatayay

¹² O lomowaday ci Kristo a ma'orip nai patay saanto ko sowal niyam a mipatnak. Saka, <> aka ka saan ko romaroma namo.

¹³ Ano so'linay caay ko lalomowad a ma'orip ko mapatayay i, kona caay ka lomowad ci Kristo a ma'orip nai patay.

¹⁴ Ano caay ka lomowad ci Kristo a ma'orip nai patay i, awato ko ^poc no nipipatnak niyam. Awato ko ^poc no nipiti'er namo ci Kristoan.

¹⁵ Ano caay ko lalomowad a ma'orip ko mapatayay i, kona caay palowaden no Kawas ci Kristo a pa'orip nai patay. Ano hatira i, malamisamangahay ko nipipasowal niyam to pakayniay i Kawas to nipipalowad Ningra ci Kristoan a pa'orip nai patay.

¹⁶ Ano caay ko lalomowad a ma'orip ko mapatayay i, kona caay ka lomowad ci Kristo a ma'orip nai patay.

¹⁷ Ano caay ka lomowad ci Kristo a ma'orip nai patay i, awaayto ko ^poc no nipiti'er namo ci Kristoan. Awaayho ko pinang namo a miliyas to raraw.

¹⁸ Ano hatira i, o matkopayto koya mitooray ci Kristoan a mapatayay a tamdaw.

¹⁹ Ano i matini aca tonini a 'orip ko nika cifaloco' ita o paso'linay ci Kristoan i, o tadakasini'adaan kita i polong no tamdamdaw.

²⁰ Nikawrira, so'lin ko nika lomowad ni Kristo a ma'orip nai patay. O pawacayay Cingra to nika o lalomowad a ma'orip ko mapatayay a tamdaw.

²¹ Pakayni i ccay a tamdaw ko sakaira no patay. Malcad tonini pakayni i ccay a tamdaw ko sakalomowad no mapatayay a ma'orip.

²² Tona o tloc ni Atam ko tamdaw a ma^min saka, mapalcad i cingraan a mapatay ko tamdaw. Malcad tonini pakayni i nika laccay ita aci Kristo a mapalcad kita i Cingraan a lomowad a ma'orip nai patay.

²³ Nikawrira, madado^do konini a dmak. Ci Kristo ko sa'ayaway a lomowad a ma'orip. Do^do sa i, o i ci Kristoananay a tamdaw. Itiya i piliyawan ni Kristo a tayni a miliyaw cangra a ma'orip.

²⁴ Do^do sa i, ira ko pahrekan. Itiya i, o mamahadefek ni Kristo ko polong no mikowanay a kawakawas halocisakowananay ato ci'icelay a ma^min, ta o papatikolen Ningra i Wama a Kawas ko no hongti a sakowan.

²⁵ Nawhani o mamalamikowanay ci Kristo tahira i pilowidan no Kawas to 'ada a ma^min. Ta o mamihinokop ko 'ada i ka'ayaw ni Kristo.

²⁶ O saikoray a lalowiden Ningra a 'ada i, o patay.

²⁷ Nawhani, mato sowal a matilid i Fangcalay Cudad, <> saan, mahapinang ito, oya sowal to <> sanay i, caay ka hawop ko Kawas, nawhani Cingra ko papihinokopay i la^no no saripa' ni Kristo to polong no ma'oripay a ma^min.

²⁸ Nikawrira, ano mapatorodto i ci Kristoan ko ma'oripay a ma^min a papitoor i, halo ci Kristo o Wawa a mitoor to Kawas oya papitooray ci Kristoan to ma'oripay a ma^min. Ta o Kawas ko mamikomod a mikowan to ma'oripay a ma^min.

²⁹ Ano hatira i, o maan ko tatodong no dmak no pipatado to mapatayay a mapaino' hakiya? Ano so'linay caay ko lalomowad a ma'orip ko mapatayay i, nawiro mipatado ko tamdaw to mapatayay a mapaino' saw?

³⁰ O sakamaan niyam ko nika rarid a misi'ayaw to katalawan saw?

³¹ Salikakaaw, tona malaccay kita ato Tapang ci Kristo Yis saka, pasneng kako a somowal to nika rarid ako a misi'ayaw to patay to romi'ami'ad.

³² Ano o no tamdawan a harateng ko sapi'odot ako to 'a'adopen i tini i Ifiso i, o maan ko ^poc hakiya? Ano caay ko lalomowad a ma'orip ko mapatayay i, o pido^do ita to sowal no mato'asay toya o nika komaen ato nipinanom aca ita ko nga'ay. Nawhani o mamapatay kita ano dafak sanay a sowal.

³³ Aka ka sa'fit kamo. <>

³⁴ Kapalal a mo^cel ko dmak. Akato ka ciraraw. O nika somowal ako tonini i, o sapipakangodoaw i tamowanan. Nawhani ira ko mafokilay namo to Kawas.

O Lomowaday a Ma'orip nai Patay a Tireng

³⁵ Nikawrira, ira ko milicayay a tamdaw, <> saan.

³⁶ Kamo o maapaay a tamdaw, ano caay ka lafong ko nifolsakan namo a sapaloma i, caay ko mamalngaw.

³⁷ O 'asad no ^mi ato romaroma a panay ko nifolsakan namo. Caay koya molngaway a tatirengan ko nifolsakan namo.

³⁸ O nafaloco'an no Kawas ko nido^doan Ningra a patatodong a pafli to masasiromaromaay a tatirengan i kahaccaccay no sapaloma.

³⁹ Masasiromaroma ko tatirengan no ma'oripay. Ira ko no tamdaw, ira ko no 'a'adopen, ira ko no 'ayam, ira ko no foting a tatirengan.

⁴⁰ Ira ko no i kakarayanay a citirengay. Ira ko no i hkalay a citirengay. Nikawrira, caay ka lcad ko nika kapah a ma'dil ko tireng no citirengay i kakarayan ato citirengay i tini i hkal.

⁴¹ Ira ko no cidal a makapahay a 'dil. Ira ko no folad a makapahay a 'dil. Ira ko no fo'is a makapahay a 'dil. Orasaka, masasiromaroma ko makapahay a 'dil no kahaccaccay no fo'is.

⁴² Malcad tonini ko nika lomowad no mapatayay a ma'orip. Malafong ko mapatayay a tireng i, maponi'. Nikawrira, ano mapalowad a mapa'orip nai patay i, malamida'ocay ko tireng nangra.

⁴³ O kaackan, o tadancaay ko malafongay a mapatayay a tireng. Nikawrira, malatadamaanay, malaki^melay ko mapalowaday a mapa'orip a tireng.

⁴⁴ O cihciay a tatirengan ko malafongay a mapatay, o no 'adingoan a tatirengan ko ma'oripay nai patay. Tona ira ko cihciay a tatirengan, saka ira ko no 'adingoan a tatirengan.

⁴⁵ Mato sowal a matilid i Fangcalay Cudad, <> saan.

⁴⁶ Caay ko no 'adingoan ko sa'ayaway. O cihciay a tatirengan ko sa'ayaway, ta i ikor i, ira ko no 'adingoan.

⁴⁷ O saka ccay a tamdaw ci Atam i, o namisanga'an to sra. O sakatosa a Atam i, o tayniay nai kakarayan.

⁴⁸ Milcad to namisanga'an to sra a tamdaw ko no hkalan a tamdaw. Milcad to tayniay nai kakarayan a tamdaw ko no kakarayanay a tamdaw.

⁴⁹ Miringi kita toya namisanga'an to sra a tamdaw. Malcad tonini, o mamiringi kita toya tayniay nai kakarayan a tamdaw.

⁵⁰ Salikakaaw, pasowalen ako kamo, caay ko mamilayap to Kitakit no Kawas ko cihciay a tatirengan, o romasato, caay ko mamida'oc ko mamaponi' a malasawad a maamaan.

^51-52 Pitngil. Pasowalen ako kamo to pakakmoday a sowal. Caay ko mama^min kita a mapatay. Itiya i saikoray a soni no la^pa to ccay a mlet, fahal asa kita a mafalic a ma^min. Ano masoni koya la^pa i, o mamapalowad a mapa'orip a malamida'ocay ko mapatayay a tamdaw. Itiyato a mafalic kita.

⁵³ Oya mamaponi' a mamapatay a tireng i, caay ka ^ca o mamafalic a malamida'ocay. Caayto ko mamapatay.

⁵⁴ Ano malahcito konini a dmak a ma^min, ano mafalicto a malamida'ocay ko mamaponi' a maamaan i, itiyato a malahci ko matiliday i Fangcalay Cudad toya, <

⁵⁵ Patayaw! I cowaay ko nika pakalowid iso saw? Patayaw! I cowaay ko cka no sawarak iso saw?>> sanay.

⁵⁶ O nai raraway ko cka no sawarak no patay. O nai Rikecay ko sakowan no raraw.

⁵⁷ Nikawrira, o kakansiyaen ko Kawas. Pakaynien Ningra i Tapang ita ci Yis Kristoan ko sapakalowid ita!

⁵⁸ Orasaka, kaolahan ako a salikaka, katanektek a tomireng. Aka ka ngiyangi. Mafana' kamo to nika caay ko a awa ko ^poc no nikarorayan namo a matayal to no Tapang. Saka, kararid a misa'icel to tayal no Tapang.