1 Korinto 14 - 阿美語聖經-新約附詩篇箴言

O Kasomowal haca to no Fangcalay 'Adingo a Rocek

¹ Orasaka, pisa'icel kamo a milongoc to Olah. O romasato, kahalamham to rocek no Fangcalay 'Adingo, ikakaen haca ko nika halamham to rocek to sakafana' namo a pakimad to sowal no Kawas.

² O somowalay to no 'Adingoan a sowal i, caay ko pasowalay i tamdaw, o pasowalay to Kawas cingra, nawhani caay ka fana' ko tamdaw a mitngil to sowal ningra. Pakaynien ningra i Fangcalay 'Adingo ko pipasowal to pakakmoday a so'lin.

³ Nikawrira, o pali'ayaway to sowal no Kawas i, o pasowalay i tamdaw a mipadama a mipa'icel a mihinom.

⁴ O somowalay to no 'Adingoan a sowal i, o pa'icelay to tireng ningra a ccay. O pali'ayaway to sowal no Kawas i, o mipadamaay to kalokiwkay.

⁵ Talacowa mangalay kako to sakasomowalaw namo a ma^min to no 'Adingoan a sowal, nikawrira, mangalef ko nika ngalay ako to nika fana' namo a pakimad to sowal no Kawas. Nawhani ano caay falicen kona no 'Adingoan a sowal to sapa'icel to polong no kiwkay i, awaay ko ^poc to sowal ningra. O nipipakimad to sowal no Kawas ko kakalimlaan.

⁶ Orasaka, salikakaaw, ano tayra kako i tamowanan, ano dengan o nika somowal ako to no 'Adingoan a sowal, caay ka paini kako to nani Kawasay a nipa'arawan ato fana' ato pali'ayaway a sowal, ano ^ca i, o pakafana', o maan ko ^poc to saki tamowanan saw?

⁷ Tinako sa to saparadiw a lalosidan a tipolo ato datok. Ano caay ka songila' ko nipitipolo ato nipidatok no tamdaw i, awaay ko pinang a tngilen ko soni.

⁸ Ano caay ka hapinang ko soni no la^pa no sofitay i, cima ko mamipatala a milood?

⁹ Malcad tonini kamo. Ano caay ka fana' ko mitngilay to nika somowal namo to no 'Adingoan a sowal i, matiya o patdo sanay kamo a somowal.

¹⁰ Talacowa adihay ko kasasiroma no sowal i tini i hkal, nikawrira, awaay ko caay ka citatodong a sowal.

¹¹ Nikawrira, ano o kafokilan ako a mitngil ko sowal no somowalay i, matiya o caay ko finacadan ako cingra. Matiya o roma a finacadan kako a haratengen ningra.

¹² Tona o misa'icelay kamo a milongoc to pipafli no Fangcalay 'Adingo to rocek namo to maamaan saka, ikakaen ko pisa'icel a milongoc to sakafana' namo a mipa'icel to kiwkay.

¹³ Orasaka, o somowalay to no 'Adingoan a sowal i, o nipilongoc ningra ko nga'ay to sakafana' ningra a misahci to tatodong noya sowal ningra.

¹⁴ Ano o no 'Adingoan a sowal ko sowal ako a mitolon i, o 'adingo ako ko mitolonay. Nikawrira, caay ko salo'afang ako ko tatodong no pitolon ako.

¹⁵ Ano hatira i, samaanen ako hakiya? Ano pakaynien ako i 'adingo ako ko pitolon i, halosalo'afangen ako a mitolon. Ano pakaynien ako i 'adingo ko karomadiw i, halosalo'afangen ako a romadiw.

¹⁶ Ano pakaynien iso i 'adingo iso a ccay ko piahowid iso i Kawas i, tona caay ka fana' a mitngil ko masa'opoay a tamdaw to no 'Adingoan a sowal iso saka, samaanen nangra ko nipipalcad to faloco' iso <> a saan hakiya? Caay ka fana' cingra to tatodong no sowal iso.

¹⁷ O nga'ayay koya piahowid iso a mitolon to Kawas. Nikawrira, caay ko pa'icelay to masa'opoay a tamdaw ko pitolon iso.

¹⁸ Miahowid kako to Kawas to nika ikaka namo ko nika adihay no nika somowal ako to no 'Adingoan a sowal.

¹⁹ Nikawrira, i tini i sa'opo no kiwkay i, o nika somowal ako to lima a kafana'an no mitngilay a sowal ko nga'ay to nika somowal ako to ccay a 'ofad no 'Adingoan a sowal. Nawhani o sapasifana' to tamdaw koya lima a sowal.

²⁰ Salikakaaw, aka ka matiya o ka^mangay ko harateng namo. Ka'ikes ko faloco' namo. Nikawrira, o pakayniay i tatiihay a dmak i, kamatiya o ka^mangay ko faloco' namo.

²¹ Mato sowal a matilid i Fangcalay Cudad, <> saan.

²² Orasaka, caay ko sapahapinang i paso'linay a tamdaw ko nika somowal to no 'Adingoan a sowal a rocek. O sapahapinang i caayho pipaso'lin a tamdaw ko matiniay a sowal. Nikawrira, o rocek to pipasowal to sowal no Kawas i, caay ko sapahapinang i caayho pipaso'lin a tamdaw. O sapahapinang i paso'linay a tamdaw ko matiniay a sowal.

²³ Orasaka, yo malaccay a masa'opo ko polong no salikaka, ano somowal cangra a ma^min to no 'Adingoan a sowal, ano micomod ko tao ano ^ca i, o caayho pipaso'lin a tamdaw i, o maapaay cangra, caay ko sasaan cangra i tamowanan hakiya?

²⁴ Nikawrira, ano pakimad cangra o kahaccaccay to sowal no Kawas, ano micomod ko tao ano ^ca i, o caayho pipaso'lin i, macocok ko faloco' ningra. Pakayni i nipitngil ningra to sowal no pakimaday a ma^min a mafana' cingra to raraw no tireng.

²⁵ Mapatalahkal ko masimeday i faloco' ningra a dmak. Saka, hinokop sa cingra a mita'ong to Kawas. <> o sasaan cingra.

O Dado^doen a Lkakawa no Kiwkay

²⁶ Salikakaaw, ano hatira i, samaanen ko nga'ay hakiya? Ano masa'opo kamo a mita'ong to Kawas i, ira ko paradiway, ira ko pasifana'ay, ira ko pasowalay to nipa'arawan no Kawas, ira ko somowalay to no 'Adingoan a sowal, ira ko mifalicay to tatodong noya no 'Adingoan a sowal. Ka o sapalowad to kiwkay ko dmak a ma^min.

²⁷ Ano ira ko sasomowal a tamdaw to no 'Adingoan a sowal i, aka ka 'aloman. Ka tatosa, ano ^ca i, tatolo aca ko nika cacorok a somowal. O mamifalic a patalahkal to tatodong noya sowal ko roma a tamdaw.

²⁸ Ano awaay ko mamifalic a tamdaw a patalahkal to tatodong noya sowal i, o nika tomrep noya mafana'ay a somowal to no 'Adingoan a sowal ko nga'ay. O pipasowal ningra a ccay to Kawas ko nga'ay.

²⁹ O pakimaday a pasowal to sowal no Kawas a tamdaw i, ka tatosa ano ^ca i, tatolo ko sasomowal. O romaroma i, o mamitngil a mihapinang to tatodong noya sowal.

³⁰ Nikawrira, ano ira ko pipahapinang no Kawas to sasowalen i cimaanan noya maro'ay i, o sasawaden no sa'ayaway a pakimaday a tamdaw ko sowal ningra.

³¹ Ma^deng ko kahaccaccay namo a macacorok a pakimad to sowal no Kawas. Ta minanam ko salikaka a ma^min, ta mapa'icel cangra.

³² O pakimaday a pasowal to sowal no Kawas a tamdaw i, o pisinanot ningra to faloco' a pasowal ko nga'ay.

³³ Nawhani caay ko parawraway ko Kawas to tamdaw. O parihadayay i titaanan. To saka lcad no finawlan no Kawas a kalokiwkay,

³⁴ ano masa'opo kamo i, aka ka caciyaw kamo o fafahiyan. Samatiyaen o dmak no mitooray a salikaka i cowacowaay a niyaro' ko dmak namo o fafahiyan. Caay ka nga'ay ko fafahiyan a somowal. Mato sowal a matilid i Rikec no Yutaya, <> saan.

³⁵ Ano ira ko maan a nananamen nangra i, o pilicay to fa'inay nangra i loma' ko nga'ay. O kakangodoan ko nika somowal no fafahiyan i sa'opo no mitooray.

³⁶ Nai tamowanan a masadak ko sowal no Kawas saw? Ano ^ca i, deng i tamowanan a ccay a mapatnak ko sowal no Kawas saw?

^37-38 O niocoran no Kawas a pakimaday a pasowal to sowal no Kawas kako, ano ^ca i, o nipaflian no Fangcalay 'Adingo kako to rocek, yasanay a tamdaw i, kafana' to nika o nano limo'ot no Tapang ko sakapipatilid ako i tamowanan. O limo'ot no Tapang konini, ano caay ka saan cingra i, aka kiharen cingra.

³⁹ Orasaka, salikakaaw ako, pilongoc to sakafana' namo a pakimad to sowal no Kawas a rocek. Nikawrira, aka pilalang to nika somowal no tamdaw to no 'Adingoan a sowal.

⁴⁰ Ka o masinanotay ko dmak namo a ma^min.