1 Korinto 12 - 阿美語聖經-新約附詩篇箴言

O Pipafli no Fangcalay 'Adingo to Rocek

¹ Salikakaaw, o licay namo to pakayniay i pipafli no Fangcalay 'Adingo to rocek i, nanay mafana' kamo.

² Mato nika fana' namo yo caho pitoor kamo to Tapang i, i tini i masamaamaanay a dmak a makayhid kamo a papita'ong to caay ka 'orip a samiyay.

³ Orasaka, nanay mafana' kamo, o mangiyangiay no 'Adingo no Kawas ko faloco' a tamdaw i, <> caay ko sasaan. O romasato, ano caay ko makriday no Fangcalay 'Adingo ko tamdaw i, <> caay ko sasaan a patalahkal.

⁴ Adihay ko kasasiroma no rocek no tamdaw to dmak. Nikawrira, oyanan a Fangcalay 'Adingo ko pafliay to sakacirocek no tamdaw.

⁵ Caay ka lcad ko tayal no tamdaw to saki Tapang. Nikawrira, oyanan a Tapang ko patosokan nangra a matayal.

⁶ Adihay ko kasasiroma no fana' no tamdaw a matayal, nikawrira, oyanan a Kawas ko pafliay to sakafana' no kahaccaccay no tamdaw a matayal.

⁷ Adihay ko kasasiromaroma no pipahapinang no Fangcalay 'Adingo to nipikapot Ningra i titaanan o kahaccaccay to sakaci^poc ita a ma^min.

⁸ O roma a tamdaw i, mapafli no Fangcalay 'Adingo to taneng a somowal. O roma a tamdaw i, mapafli no Fangcalay 'Adingo to rocek to sakafana' a somowal.

⁹ O roma a tamdaw i, mapafli no Fangcalay 'Adingo to micidekay a faloco' a miti'er ci Kristoan. O roma a tamdaw i, mapafli no Fangcalay 'Adingo to rocek a ci'icel a miadah to adadaay.

¹⁰ O roma a tamdaw i, mapafli no Fangcalay 'Adingo to 'icel a midmak to kafahka'an a dmak. O roma a tamdaw i, mapafli no Fangcalay 'Adingo to rocek to sakafana' a pakimad to sowal no Kawas. O roma a tamdaw i, mapafli no Fangcalay 'Adingo to 'icel to sakafana' a mihapinang to sakasasiroma no tayal no Fangcalay 'Adingo ato palafoay a kawas. O roma a tamdaw i, mapafli to 'icel to sakafana' a pasowal to no 'Adingoan a sowal. O roma a tamdaw i, mapafli to 'icel to sakafana' ningra a patalahkal to tatodong no 'Adingoan a sowal.

¹¹ O sakaira nonini a ma^min i, o nano tayal noyananto a Fangcalay 'Adingo. Do^doen Ningra ko nafaloco'an Ningra a pafli i kahaccaccay no tamdaw to rocek to sakafana'.

Adihay ko Ca'ang no Ccay a Tatirengan

¹² Matiya o ccayay a tatirengan ci Kristo. Adihay ko ca'ang no tireng, nikawrira ano adihadihay ko ca'ang no tireng i, o ccayay ko tatirengan.

¹³ Malcad tonini kita. Ano o Yutayato a tamdaw, ano o romato a finacadan, ano malakoliayto a tamdaw, ano o caayay ka o koli a tamdaw i, mapaino' noyananto a Fangcalay 'Adingo kita a ma^min a mapalaccay i ccay a tatirengan. Saka, mapafli kita a ma^min toyanan a Fangcalay 'Adingo.

¹⁴ Caay ka ccay aca a caca'angan ko sakaira no tatirengan. O adihayay a ca'ang ko sakaira nonini.

¹⁵ <> ano saasaan ko wa'ay i, ma^deng a mimaan a caay pisiket i tatirengan.

¹⁶ <> ano saasaan ko tangila i, ma^deng a mimaan a caay pisiket i tatirengan.

¹⁷ Ano o mata a ma^min ko tatirengan i, o maan ko sapitngil? Ano o tangila a ma^min ko tatirengan i, o maan ko sapisanek?

¹⁸ Nikawrira, o nafaloco'an no Kawas ko nido^doan Ningra a misanga' to kahaccaccay a ca'ang no tireng no tamdaw.

¹⁹ Ano ccay aca ko ca'ang i, caay ko so'linay a tatirengan cingra!

²⁰ So'linay, adihay ko ca'ang. Nikawrira, ccay aca ko tatirengan.

²¹ <> caay ko sasaan ko mata to kamay. <> caay ko sasaan ko fongoh to wa'ay.

²² Ano matira, hato rarimaay a ca'ang no tatirengan, caayay ko a awa i tatirengan ita.

²³ Caay ko tadamaanay a ca'ang no tatirengan konini nasa kita. 'Arawhani, o malakakalimlaen aca ita konini. O kangodoan a nengnengen a ca'ang no tireng i, tahpo han ita ta caay ko kasimelangan a nengnengen.

²⁴ Caay pitahpo kita to makapahay a nengnengen a ca'ang no tireng ita. Songila'en no Kawas a patatodong ko kahaccaccay a ca'ang no tireng a patatongod to sakatadamaan noya sasafaay a ca'ang.

²⁵ Onini i, o saka^caaw ka sasingera' no ca'ang no tireng. O sakalalenaw no ca'ang a ma^min a madadamadama i ccay a tatirengan.

²⁶ Ano mapades ko ccay a ca'ang i, mapades ito ko polong no ca'ang. Ano makahmek ko ccay a ca'ang i, lipahak a ma^min ko ca'ang.

²⁷ O tireng ni Kristo kamo. O ca'ang no tireng Ningra ko kahaccaccay namo.

²⁸ O sa'ayaway a nipatongodan no Kawas a ca'ang i kiwkay i, o tarokos. Do^do sa i, o pali'ayaway to sowal no Kawas. Do^do sa i, o pasifana'ay. Do^do sa i, o midmakay to kafahka'an a dmak. Ta cirocek a ci'icel a miadah to adadaay, o mipadangay, o mikowanay, ato somowalay to no 'Adingoan a sowal.

²⁹ O tarokos a ma^min ko sa'opo no mitooray, caay ka saan. O pali'ayaway to sowal no Kawas a ma^min ko sa'opo no mitooray, caay ka saan. O pasifana'ay a ma^min ko sa'opo no mitooray, caay ka saan. O midmakay a ma^min to kafahka'an a dmak ko sa'opo no mitooray, caay ka saan.

³⁰ O cirocekay a ma^min a ci'icel a miadah to adadaay ko sa'opo no mitooray, caay ka saan. O somowalay a ma^min to no 'Adingoan a sowal ko sa'opo no mitooray, caay ka saan. O mafana'ay a ma^min a patalahkal to tatodong no 'Adingoan a sowal ko sa'opo no mitooray, caay ka saan.

³¹ Pilongoc kamo to tadamaanay a rocek. Nikawrira, pasifana'en ako kamo to sanga'ayay a dadmaken.