1 Korinto 10 - 阿美語聖經-新約附詩篇箴言

Aka Pita'ong to Samiyay

¹ Salikakaaw, nanay mafana' kamo to nano dmak no tato'asan ita. Madipot no to'em cangra a ma^min a romakat to Kahngangay hananay a riyar.

² Pakayni i dmak no to'em ato riyar a mapaino' cangra a malamitooray i ci Mosian.

³ Malcad cangra a ma^min a komaen to nai Kawasay a kakaenen.

⁴ Malcad cangra a ma^min a minanom to nai Kawasay a nanom. O masadakay nai 'ongcoy no Kawas a mihaklongay cangraan koya nanom. O todong no tireng ni Kristo koya 'ongcoy.

⁵ Nikawrira, caay ka tatodong i nafaloco'an no Kawas ko 'alomanay nangra. Saka, matkop cangra i kohkohan.

⁶ O sakaira nonini a dmak i, o sapalimo'otaw i titaanan to saka^caaw ka 'anof ita to tatiihay a matiya o nika 'anof nangra.

⁷ Aka ka matiya o romaroma nangra kamo a mita'ong to samiyay. Mato sowal a matilid i Fangcalay Cudad <> saan.

⁸ Aka ka matiya o romaroma nangra a ma'odang kita. Tona ma'odang cangra saka, mapatay ko tosa a 'ofad ira ko tolo a patek (23,000) a tamdaw to ccay a romi'ad.

⁹ Aka ka matiya o romaroma nangra kita a mipadteng a milifet ci Kristoan. Tona milifet ci Kristoan cangra saka, mapatay no 'oner cangra.

¹⁰ Aka ka matiya o romaroma nangra a ngaliwngiw kamo. Tona ngaliwngiw cangra saka, matkop no mipatayay a coyoh cangra.

¹¹ O sakaira nonini a dmak i cangraan i, o sapakafana'aw to tamdamdaw. O sakapitilid tonini i, o sapalimo'otaw i titaanan. Nawhani o i tiniay i pahrehrekan nonini a hkal ko 'orip ita.

¹² Orasaka, o tanektekayto ko nika tomireng ako, yasanay ko harateng a tamdaw i, na'onen ko dmak to saka^caaw ka tfad.

¹³ O matinakoay namo a pilifet i, o nano matinakoayto no 'alomanay a tamdaw. O so'linay a tati'eren ko Kawas. Caay palitmoh Cingra tamowanan to caay ko mamahadidi namo a salifet. Ano malitmoh namo ko salifet i, pa'icelen Ningra kamo a papihadidi. Patalaen Ningra ko kasadakan namo a lalan.

¹⁴ Orasaka, kaolahan ako a salikaka, piliyas kamo to mita'ongay to samiyay a dmak.

¹⁵ Pasowalen ako kamo o mafana'ay a miharateng a tamdaw. Hapinangen konini a sowal ako a miharateng.

¹⁶ O miahowidanto ita a minanom a takid i, caayay ko milada'ay to rmes ni Kristo saw? O mipcihanto ita a komaen a ^pang i, caayay ko milada'ay to tireng ni Kristo saw?

¹⁷ Tona mapolong kita a ma^min a komaen to ccay a 'aplad no ^pang saka, ano 'alomaloman kita a komaen i, o ccayay a 'aplad a ^pang ko nikaenan ita saka, o ccayay a tatirengan kita.

¹⁸ Haratengen ko dmak no Israil a tamdaw. O komaenay a tamdaw to nipacakatan nangra i pipato'ayaan i, o ccay no pikapot nangra to tayal no matayalay i pipato'ayaan to Kawas.

¹⁹ O maan ko tatodong nonini a sowal ako saw? O samiyay ato nipacakatan i samiyay a kakaenen i, ira ko tatodong nonini o sanay ako saw?

²⁰ Caay! O nipacakatan no roma a finacadan i pipacakatan i, o pacakatay i palafoay a kawas, o sanay ako. Caay ka i Kawas ko pipacakat nangra. Caay ka ngalay kako a malakapot kamo ato palafoay.

²¹ Tona minanom kamo to takid no Tapang saka, caayto ka nga'ay kamo a minanom to takid no palafoay a kawas. Tona mikapot kamo i tahka no Tapang saka, caayto ka nga'ay kamo a mikapot i tahka no palafoay a kawas.

²² Manga'ay kita a pakakter to Tapang saw? Ikaka no 'icel Ningra a mimaan ko 'icel ita?

²³ O sowal no roma a tamdaw i, <> saan. So'linay kora sowal. Nikawrira, caay ka ^min a malasakaci^poc ko dmak. Nga'ayto a midmak to maamaan. Nikawrira, caay ka ^min a malasakalatamdamdaw ita ko dmak.

²⁴ Aka ka o sakanga'ay no tireng a ccay ko haratengen. Ka o sakanga'ay no tao ko haratengen.

²⁵ O nipacakayan i kalali'acaan a titi i, nga'ayto a kaenen namo, aka to pakaynien i nga'ayay a faloco' a misalicalicay to maamaan.

²⁶ Mato sowal a matilid i Fangcalay Cudad, <> saan.

²⁷ Ano matahidang no caayho paso'lin to Tapang a tamdaw kamo a papitahka i, ano o tatayra kamo a mitahka i, aka pisaskaska ko nga'ay a faloco' namo a komaen. O nipatahkaan i ka'ayaw namo a kakaenen i, kaen han.

²⁸ Nikawrira, ano ira ko somowalay i tamowanan, <> ano saan i, aka ka komaen kamo. Onini i, o pipa'ayaw namo to nga'ay a faloco' noya pasowalay i tamowanan a tamdaw.

²⁹ Caay ko no namo a nga'ay a faloco' ko nitoro'an ako, o noya a tamdaw a nga'ay a faloco' ko nitoro'an. Latek, ira ko milicayay a tamdaw, <

³⁰ Ano miahowid kako i Kawas a komaen i, nawiro likafen no tao konini a dmak ako saw?>> o sasaan cingra.

³¹ Orasaka, o nika komaen, o nipinanom, ato nipidmak namo to maamaan i, ka o sapahmek to Kawas a ma^min.

³² Aka ka o patahafikoday ko dmak namo to Yutaya a tamdaw ato roma a finacadan ato kiwkay no Kawas.

³³ Haenen to nidmakan ako ko pidmak namo, o sakapalipahak ako i tamowanan koni. Saka, caay piharateng kako to sakanga'ay no tireng. O sakaci^poc no 'alomanay a tamdaw ko niharatengan ako.