Salm 15 - Am Bìoball Iomraidh Gàidhlig 1880 1992

Còmhnaichidh an t‑ionracan, agus an neach a labhras an fhìrinn na chridhe, ann am pàillean Dhè.

Salm le Daibhidh

¹ A Thighearna, cò a dh’fhanas ann ad phàillean? Cò a chòmhnaicheas air do shliabh naomh?

² Esan a ghluaiseas gu h‑ionraic, agus a nì ceartas, agus a labhras an fhìrinn na chridhe;

³ Nach dèan cùl‐chàineadh le a theangaidh, nach dèan olc da charaid, agus nach tog droch sgeul air a choimhearsnach;

⁴ Leis an suarach an droch dhuine, ach a bheir urram dhaibhsan air am bi eagal an Tighearna; a mhionnaicheas a‑chum a challdaich fhèin, agus nach caochail;

⁵ Nach cuir a airgead a‑mach air ocar, agus nach gabh duais an aghaidh an neochiontaich. Esan a nì na nithean sin, cha ghluaisear gu bràth e.