Nehemiah 3 - Am Bìoball Iomraidh Gàidhlig 1880 1992

Ainmean agus òrdagh an t‑sluaigh a thog balla Ierusaleim.

¹ Agus dh’èirich Eliasib an t‑àrd‐shagart maille ra bhràithrean na sagartan, agus thog iad geata nan caorach: naomhaich iad e, agus chuir iad suas a chòmhlachan: eadhon gu ruig tùr Mheah naomhaich iad e, agus gu ruig tùr Hananeeil.

² Agus làimh ris‐san thog fir Iericho: agus làimh riùsan thog Sacur mac Imri.

³ Ach geata an èisg thog mic Hasenaah: leag iad a shailthean, agus chuir iad suas a chòmhlachan, a ghlasan, agus a chroinn.

⁴ Agus làimh riùsan chàraich Meremot mac Uriah, mhic Chois: agus làimh ris‐san chàraich Mesulam mac Bherechiah, mhic Mhesesabeil: agus làimh riùsan chàraich Sadoc mac Bhaanah.

⁵ Agus làimh riùsan chàraich na Tecòaich: ach cha do chuir an àrd‐uaislean am muineal ri seirbhis an Tighearna.

⁶ Agus an seann gheata chàraich Iehoiada mac Phaseah, agus Mesulam mac Bhesodeiah: leag iad a shailthean, agus chuir iad suas a chòmhlachan, agus a ghlasan, agus a chroinn.

⁷ Agus làimh riùsan chàraich Melatiah an Gibeonach, agus Iadon am Meronotach, fir Ghibeoin agus Mhispah, gu ruig rìgh‐chathair an uachdarain air an taobh seo den abhainn.

⁸ Làimh ris‐san chàraich Udsiel mac Harhaiah, de na h‑òr‑cheàrdan: agus làimh ris‐san chàraich Hananiah, mac aoin de na lèighean, agus neartaich iad Ierusalem gu ruig am balla leathann.

⁹ Agus làimh riùsan chàraich Rephaiah mac Huir, fear‐riaghlaidh leth‐roinn Ierusaleim.

¹⁰ Agus làimh ris‐san chàraich Iedaiah mac Harumaiph, eadhon fa chomhair a thaighe: agus làimh ris‐san chàraich Hatas, mac Hasabniah.

¹¹ An t‑ath‐thomhas chàraich Malchiah mac Harim, agus Hasub mac Phahat‐mhòaib, agus tùr nan àmhainn.

¹² Agus làimh ris‐san chàraich Salum mac Haloheis, fear‐riaghlaidh leth‐roinn Ierusaleim, e fhèin agus a nigheanan.

¹³ Geata a’ ghlinne chàraich Hanun, agus luchd‐àiteachaidh Shanòah: thog iad e, agus chuir iad suas a chòmhlachan, a ghlasan, agus a chroinn, agus mìle làmh‐choille den bhalla, gu ruig geata an aolaich.

¹⁴ Ach geata an aolaich chàraich Malchiah mac Rechaib, fear‐riaghlaidh roinn Bhet‐hacereim: thog e e, agus chuir e suas a chòmhlachan, a ghlasan, agus a chroinn.

¹⁵ Ach geata an tobair chàraich Salum mac Chol‐hoseh, fear‐riaghlaidh roinn Mhispah: thog e e, agus chuir e dìon air, agus chuir e suas a chòmhlachan, a ghlasan, agus a chroinn, agus balla lochan Shiloah làimh ri lios an rìgh, agus gu ruig na ceuman a’ dol sìos o bhaile Dhaibhidh.

¹⁶ Na dhèidh‐san chàraich Nehemiah mac Asbuic, fear‐riaghlaidh leth‐roinn Bhet‐suir, gu ruig fa chomhair àitean‐adhlacaidh Dhaibhidh, agus gu ruig an lochan a rinneadh, agus gu ruig Bet‐agbarim.

¹⁷ Na dhèidh‐san chàraich na Lèbhithich, Rehum mac Bhani: làimh ris‐san chàraich Hasabiah, fear‐riaghlaidh leth‐roinn Cheilah, na roinn fhèin.

¹⁸ Na dhèidh‐san chàraich am bràithrean, Babhai mac Henadaid, fear‐riaghlaidh leth‐roinn Cheilah.

¹⁹ Agus làimh ris‐san chàraich Eser mac Iesua, fear‐riaghlaidh Mhispah, an t‑ath‐thomhas fa chomhair an dol suas don arm‐thaigh aig an tionndadh.

²⁰ Na dhèidh‐san chàraich Baruch mac Shabai an t‑ath‐thomhas, on tionndadh gu ruig doras taigh Eliasib an t‑àrd‐shagart.

²¹ Na dhèidh‐san chàraich Meremot mac Uriah, mhic Acois, an t‑ath‐thomhas, o dhoras taigh Eliasib gu ruig ceann taigh Eliasib.

²² Agus na dhèidh‐san chàraich na sagartan, daoine a’ chòmhnaird.

²³ Nan dèidh‐san chàraich Beniàmin agus Hasub, fa chomhair an taighe: na dhèidh‐san chàraich Asariah mac Mhaaseiah, mhic Ananiah, làimh ra thaigh.

²⁴ Na dhèidh‐san chàraich Binui, mac Henadaid, an t‑ath‐thomhas, o thaigh Asariah gu ruig an tionndadh, agus gu ruig an oisinn.

²⁵ Palal mac Udsai, fa chomhair an tionndaidh, agus an tùir a tha a’ dol a‑mach o thaigh àrd an rìgh, a bha làimh ri cùirt a’ phrìosain: na dhèidh‐san Pedaiah mac Pharois.

²⁶ Mar an ceudna na Netinich a bha a chòmhnaidh ann an Ophel, gu ruig fa chomhair geata an uisge a làimh na h‑àird an‑ear, agus an tùir a tha a’ dol a‑mach.

²⁷ Nan dèidh‐san chàraich na Tecòaich an t‑ath‐thomhas, fa chomhair an tùir mhòir a tha a’ dol a‑mach, gu ruig balla Opheil.

²⁸ O thaobh shuas geata nan each chàraich na sagartan, gach aon fa chomhair a thaighe.

²⁹ Nan dèidh‐san chàraich Sadoc mac Imeir, fa chomhair a thaighe: agus na dhèidh‐san chàraich Semaiah, mac Shechaniah, fear‐gleidhidh an dorais an ear.

³⁰ Na dhèidh‐san chàraich Hananiah, mac Shelemiah, agus Hanun, siathamh mac Shalaiph, an t‑ath‐thomhas: na dhèidh‐san chàraich Mesulam mac Bherechiah, fa chomhair a sheòmair fhèin.

³¹ Na dhèidh‐san chàraich Malchiah, mac an òr‑cheàird, gu àite nan Netineach, agus nan ceannaichean fa chomhair geata Mhiphcaid, agus gu dol suas na h‑oisinn.

³² Agus o dhol suas na h‑oisinn gu geata nan caorach, chàraich na h‑òr‑cheàrdan agus na ceannaichean.