Iob 25 - Am Bìoball Iomraidh Gàidhlig 1880 1992

Nochd Bildad tighearnas an Uile‐chumhachdaich, agus truaillidheachd an duine.

¹ An sin fhreagair Bildad an Suhach, agus thubhairt e,

² Tha tighearnas agus eagal maille ris‐san: nì e sìth na ionadan àrda.

³ A bheil àireamh air bith air a shlòigh? Agus cò air nach èirich a sholas?

⁴ Cionnas, matà, a shaorar duine an làthair Dhè? Agus cionnas a bhios esan glan a rugadh o mhnaoi?

⁵ Amhairc eadhon air a’ ghealaich, agus cha dealraich i; agus chan eil na rionnagan glan na shealladh.

⁶ Cia as ro‑lugha na sin an duine a tha na chnuimh; agus mac an duine a tha na chnuimh?