1 Eachdraidh 7 - Am Bìoball Iomraidh Gàidhlig 1880 1992

1 Mic Isachair, 6 Bheniàmin, 13 Naphtali, 14 Mhanaseh, 20 agus Ephraim. 22 Bròn Ephraim, etc.

¹ A‑nis b’iad mic Isachair, Tola, agus Puah, Iasub, agus Simron, ceathrar.

² Agus mic Thola: Udsi, agus Rephaiad, agus Ieriel, agus Iahmai, agus Ibsam, agus Semuel, cinn‐taighe an athraichean, eadhon Tola: daoine treuna nan ginealaichean dom b’àireamh ann an làithean Dhaibhidh dà‑mhìle‐ar‑fhichead agus sia ceud.

³ Agus mic Udsi: Israhiah: agus mic Israhiah: Michael, agus Obadiah, agus Ioel, agus Isiah, còignear; iad uile nan cinn‐taighe.

⁴ Agus acasan, a rèir an ginealaichean, a rèir taigh an athraichean, bha buidhnean shaighdear gu cogadh, sia‑mìle‐deug ar fhichead fear: oir bha iomadh bean agus mac aca.

⁵ Agus bha am bràithrean am measg uile theaghlaichean Isachair nan daoine treuna, air an àireamh anns an iomlan a rèir an ginealaichean nan seachd agus ceithir‐fichead mìle.

⁶ Mic Bheniàmin: Bela, agus Becher, agus Iediael, triùir.

⁷ Agus mic Bhela: Esbon, agus Udsi, agus Udsiel, agus Ierimot, agus Iri, còignear; cinn‐taighe an athraichean, daoine treuna, agus dh’àirmheadh iad a rèir an ginealaichean nan dà‑mhìle‐ar‑fhichead, agus ceithir‐deug ar fhichead.

⁸ Agus mic Bhecheir: Semira, agus Iòas, agus Elièser, agus Elioenai, agus Omri, agus Ierimot, agus Abiah, agus Anatot, agus Alamet. Is iad sin uile mic Bhecheir.

⁹ Agus b’e an àireamh a rèir an sloinnidhean a rèir an ginealaichean, cinn‐taighe an athraichean, daoine treuna, fichead mìle agus dà cheud.

¹⁰ Agus mic Iediaeil: Bilhan: agus mic Bhilhain: Ieus, agus Beniàmin, agus Ehud, agus Cenaanah, agus Setan, agus Tarsis, agus Ahisahar.

¹¹ Bha iad sin uile mic Iediaeil, a rèir cinn an athraichean, daoine treuna, nan seachd‐mìle‐deug agus dà cheud fear, iomchaidh gu dol a‑mach a‑chum cogaidh agus catha.

¹² Supim mar an ceudna, agus Hupim mic Ir, agus Husim mic Aheir.

¹³ Mic Naphtali: Iahsiel, agus Guni, agus Ieser, agus Salum, mic Bhilhah.

¹⁴ Mic Mhanaseh: Asriel, a rug i: (ach rug a choileabach, a’ Bhan‐Aramach, Machir athair Ghilead.

¹⁵ Agus ghabh Machir mar mhnaoi piuthar Hupim agus Shupim, agus b’e ainm a peathar Maachah:) agus b’e ainm an dara mic Selophehad: agus bha aig Selophehad nigheanan.

¹⁶ Agus rug Maachah bean Mhachir mac, agus thug i Peres mar ainm air; agus b’e ainm a bhràthar Seres; agus b’iad a mhic‐san Ulam agus Racem.

¹⁷ Agus mic Ulaim: Bedan. B’iad sin mic Ghilead, mhic Mhachir, mhic Mhanaseh.

¹⁸ Agus rug a phiuthar Hamolecet Isod, agus Abieser, agus Mahalah.

¹⁹ Agus b’iad mic Shemida, Ahian, agus Sechem, agus Lichi, agus Aniam.

²⁰ Agus mic Ephraim: Sutelah, agus Bered a mhac‐san, agus Tahat a mhac‐san, agus Eladah a mhac‐san, Tahat a mhac‐san,

²¹ Agus Sabad a mhac‐san, agus Sutelah a mhac‐san, agus Eser, agus Elead, a mharbh fir Ghat a rugadh anns an tìr sin, a chionn gun tàinig iad a‑nuas a thogail an creich.

²² Agus rinn an athair Ephraim bròn rè iomadh là, agus thàinig a bhràithrean gu comhfhurtachd a thoirt dha.

²³ Agus chaidh e a‑steach a dh’ionnsaigh a mhnà, agus dh’fhàs i torrach, agus rug i mac, agus thug e Beriah mar ainm air, a chionn gun d’èirich gu h‑olc da thaigh.

²⁴ (Agus b’i a nighean Serah, ise a thog Bet‐horon ìochdarach, agus uachdarach, agus Udsen‐serah).

²⁵ Agus b’e Rephah a mhac, mar an ceudna Reseph, agus Tela a mhac‐san, agus Tahan a mhac‐san,

²⁶ Laadan a mhac‐san, Aimhud a mhac‐san, Elisama a mhac‐san,

²⁷ Non a mhac‐san, Iehosua a mhac‐san.

²⁸ Agus b’iad an seilbh agus an àiteachan‐còmhnaidh Betel agus a bhailtean, agus a làimh na h‑àird an ear Naaran, agus a làimh na h‑àird an iar Gèser le a bhailtean, Sechem mar an ceudna agus a bhailtean, gu ruig Gàsa agus a bhailtean.

²⁹ Agus làimh ri cloinn Mhanaseh, Bet‐sean agus a bhailtean, Taanach agus a bhailtean, Megido agus a bhailtean, Dor agus a bhailtean. Annta sin ghabh clann Iòseiph, mac Israeil, còmhnaidh.

³⁰ Mic Aseir: Imnah, agus Isuah, agus Isui, agus Beriah, agus Serah am piuthar.

³¹ Agus mic Bheriah: Heber, agus Malchiel: b’esan athair Bhirsabhit.

³² Agus ghin Heber Iaphlet, agus Somer, agus Hotam, agus Suah am piuthar.

³³ Agus mic Iaphleit: Pasach, agus Bimhal, agus Asbhat: is iad sin mic Iaphleit.

³⁴ Agus mic Shameir: Ahi, agus Rohgah, Iehubah, agus Aram.

³⁵ Agus mic Heleim, a bhràthair; Sophah, Imna, agus Seles, agus Amal.

³⁶ Mic Shophah: Suah, agus Harnepher, agus Sual, agus Beri, agus Imrah,

³⁷ Beser, agus Hod, agus Sama, agus Silsah, agus Itran, agus Beera.

³⁸ Agus mic Ieteir: Iephuneh, agus Pispah, agus Ara.

³⁹ Agus mic Ula: Ara, agus Haniel, agus Resia.

⁴⁰ B’iad sin uile mic Aseir, cinn‐taighe an athraichean, daoine taghte, treun ann an neart, rogha nan uachdaran. Agus nuair a dh’àirmheadh iad a rèir an ginealaichean a‑chum cogaidh agus catha, b’e an àireamh sia‑mìle‐fichead fear.