Salm 150 - Am Bìoball Gàidhlig 1992

¹ Molaibh-se an Tighearna. Molaibh Dia na ionad naomh; molaibh e ann an speuran a chumhachd.

² Molaibh e airson a ghnìomharan treuna; molaibh e a rèir àird a mhòrachd.

³ Molaibh e le fuaim trompaid; molaibh e le saltair agus le clàrsaich.

⁴ Molaibh e le tiompan agus dannsa; molaibh e le innealan-ciùil nan teud agus le organ.

⁵ Molaibh e le ciombalan fonnmhor; molaibh e le ciombalan àrd-fhuaimneach.

⁶ Moladh gach nì anns a bheil anail an Tighearna. Molaibh-se an Tighearna.