Nehemiah 10 - Am Bìoball Gàidhlig 1992

¹ Agus seo iadsan a chuir an seula ris: Nehemiah an Tirsata, mac Hachaliah, agus Sedeciah,

² Seraiah, Asariah, Ieremiah,

³ Pasur, Amariah, Malchiah,

⁴ Hatas, Sebaniah, Maluch,

⁵ Harim, Meremot, Obadiah,

⁶ Daniel, Gineton, Baruch,

⁷ Mesulam, Abiah, Miamin,

⁸ Maasiah, Bilgai, Semaiah, b’iad sin na sagartan.

⁹ Agus na Lèbhithich: Iesuah mac Asaniah, Binui de mhic Henadaid, Cadmiel;

¹⁰ Agus am bràithrean, Sèbaniah, Hodiah, Celita, Pelaiah, Hanan,

¹¹ Micha, Rehob, Hasabiah,

¹² Sacur, Serebiah, Sèbaniah,

¹³ Hodiah, Bani, Beninu.

¹⁴ Cinn an t‑sluaigh: Paros, Pahat-mòab, Elam, Satu, Bani,

¹⁵ Buni, Asgad, Bebai,

¹⁶ Adoniah, Bigbhai, Adin,

¹⁷ Ater, Hisciah, Adsur,

¹⁸ Hodiah, Hasum, Besai,

¹⁹ Hariph, Anatot, Nebai,

²⁰ Magpias, Mesulam, Hesir,

²¹ Mesesabeel, Sadoc, Iadua,

²² Pelatiah, Hanan, Anaiah,

²³ Hosèa, Hananiah, Hasub,

²⁴ Halohes, Pileha, Sobec,

²⁵ Rehum, Hasabnah, Maaseiah,

²⁶ Agus Ahiah, Hanan, Anan,

²⁷ Maluch, Harim, Baanah.

²⁸ Agus a’ chuid eile den t‑sluagh, na sagartan na Lèbhithich, na dorsairean, an luchd-seinn, na Netinich, agus iadsan uile a dhealaich iad fhèin o shluagh nan tìrean a‑chum lagh Dhè, am mnathan, am mic, agus an nigheanan, gach aon aig an robh eòlas agus tuigse;

²⁹ Dhlùth-lean iad rim bràithrean, an àrd-uaislean, agus chaidh iad fo mhallachadh, agus fo mhionnan, gluasad ann an lagh Dhè, a thugadh seachad le làimh Mhaois, òglach Dhè, agus a choimhead agus a dhèanamh uile àitheantan Iehòbhah ar Tighearna, agus a bhreitheanas, agus a reachdan:

³⁰ Agus nach toir sinn ar nigheanan do shluagh na tìre, agus nach gabh sinn an nigheanan-san dar mic:

³¹ Agus ma bheir sluagh na tìre leo bathar no biadh air bith air là na sàbaid, ga reic, nach ceannaich sinn e uapa air an t‑sàbaid no air là naomh: agus gun leig sinn leis an t‑seachdamh bliadhna, agus le togail nam fiach uile.

³² Mar an ceudna rinn sinn reachdan dhuinn fhèin, an treas cuid de shecel a chur de fhiachan oirnn fhèin gach bliadhna, airson seirbhis taigh ar Dè:

³³ Airson an arain thaisbeanta, agus airson an tabhartas-bhìdh ghnàthaichte, agus airson ìobairt-loisgte ghnàthaichte nan sàbaid agus nan gealach nodha, airson nam fèill suidhichte, agus airson nan nithean naomha, agus airson nan ìobairt-pheacaidh, a dhèanamh rèite airson Israeil, agus airson uile obair taigh ar Dè.

³⁴ Agus thilg sinn croinn, na sagartan na Lèbhithich, agus an sluagh, mun tabhartas-fhiodha, a‑chum a thabhairt gu taigh ar Dè, a rèir taigh ar n‑athraichean, air àmannan suidhichte, o bhliadhna gu bliadhna, a losgadh air altair an Tighearna ar Dia, mar a tha e sgrìobhte anns an lagh:

³⁵ Agus a thabhairt ciad-thoradh ar fearainn, agus ciad-thoradh uile mheas gach uile chraoibh, o bhliadhna gu bliadhna, gu taigh an Tighearna:

³⁶ Agus a thabhairt ciad-ghin ar mac agus ar n‑ainmhidhean, mar a tha e sgrìobhte anns an lagh, agus ciad-ghin ar cruidh agus ar caorach, gu taigh ar Dè, a dh’ionnsaigh nan sagart a fhrithealas ann an taigh ar Dè:

³⁷ Agus gun tugamaid ciad-thoradh ar taoise, agus ar tabhartas, agus meas gach gnè craoibhe, fìona, agus ola, a dh’ionnsaigh nan sagart, gu seòmraichean taigh ar Dè; agus deicheamh ar fearainn do na Lèbhithich, air chor is gum faigheadh na Lèbhithich sin an deicheamh ann an uile bhailtean ar treabhachais.

³⁸ Agus bidh an sagart, mac Aaroin, maille ris na Lèbhithich, nuair a thogas na Lèbhithich suas leo deicheamh an deichimh gu taigh ar Dè, a‑steach do na seòmraichean, do thaigh an ionmhais:

³⁹ Oir bheir clann Israeil agus clann Lèbhi leo tabhartas an arbhair, an fhìona nuaidh, agus na h‑ola, a‑steach do na seòmraichean, far a bheil soithichean an ionaid naoimh, agus na sagartan, agus an luchd-frithealaidh, agus na dorsairean, agus an luchd-seinn. Agus cha trèig sinne taigh ar Dè.