Esteir 10 - Am Bìoball Gàidhlig 1992

¹ Agus chuir an rìgh Ahasuerus cìs air an tìr, agus air eileanan na mara.

² Agus uile ghnìomharan a thrèine agus a chumhachd, agus foillseachadh mòrachd Mhordecai a‑chum an d’àrdaich an rìgh e, nach eil iad sgrìobhte ann an leabhar eachdraidh rìghrean Mhedia agus Phersia?

³ Oir b’e Mordecai an t‑Iùdhach a b’fhaisge do rìgh Ahasuerus: agus bha e mòr am measg nan Iùdhach, agus taitneach do mhòr-chuideachd a bhràithrean, ag iarraidh maith da shluagh, agus a’ labhairt sìth ra shliochd uile.