1 Eachdraidh 25 - Am Bìoball Gàidhlig 1992

¹ Os bàrr, chuir Daibhidh agus ceannardan an t‑sluaigh air leth fa chomhair na seirbhis de mhic Asaiph, agus Hemain, agus Iedutuin, daoine a dhèanadh fàidheadaireachd, le clàrsaichean, le saltairean, agus le ciombalan. Agus b’e àireamh an luchd-frithealaidh, a rèir an seirbhis:

² De mhic Asaiph: Sachur, agus Iòseph, agus Netaniah, agus Asarelah, mic Asaiph, fo làimh Asaiph, a bha ri fàidheadaireachd a rèir àithne an rìgh.

³ O Iedutun: mic Iedutuin: Gedaliah, agus Seri, agus Iesaiah, agus Simei, agus Hasabiah, agus Matitiah, sianar fo làimh an athar Iedutun, a bha ri fàidheadaireachd le clàrsaich a thoirt buidheachais agus cliù don Tighearna.

⁴ O Heman: mic Hemain: Buciah, Mataniah, Udsiel, Sebuel, agus Ierimot, Hananiah, Hanani, Eliatah, Gidalti, agus Romamti-esder, Iosbecasah, Maloti, Hotir, Mahasiot:

⁵ B’iad sin uile mic Hemain, fear-seallaidh an rìgh, ann am briathran Dhè, a‑chum an adharc a thogail suas. Agus thug Dia do Heman ceithir-mic-dheug agus trì nigheanan.

⁶ Bha iad seo uile fo làimh an athar, fa chomhair laoidhean taigh Dhè, le ciombalan, saltairean, agus clàrsaichean, a‑chum seirbhis taigh Dhè, fo làimh an rìgh, Asaiph, Hemain, agus Iedutuin.

⁷ Agus b’e an àireamh maille rim bràithrean, a fhuair ionnsachadh air laoidhean an Tighearna, eadhon iadsan uile a bha tùrail, dà cheud, ceithir-fichead agus ochdnar.

⁸ Agus chuir iad crannchur, buidheann an aghaidh buidhne, am beag cho math ris a’ mhòr, an t‑oid-ionnsachaidh cho math ris an fhòghlamach.

⁹ Agus thàinig an ciad chrannchur a‑mach air Asaph, do Iòseph; an dara do Ghedaliah, dha fhèin agus da bhràithrean, agus da mhic, dà‑fhear-dheug:

¹⁰ An treasa do Shachur, da mhic agus da bhràithrean, dà‑fhear-dheug:

¹¹ An ceathramh do Isri, da mhic agus da bhràithrean, dà‑fhear-dheug:

¹² An còigeamh do Netaniah, da mhic agus da bhràithrean, dà‑fhear-dheug:

¹³ An siathamh do Bhuciah, da mhic agus da bhràithrean, dà‑fhear-dheug:

¹⁴ An seachdamh do Iesarelah, da mhic agus da bhràithrean, dà‑fhear-dheug:

¹⁵ An t‑ochdamh do Iesaiah, da mhic agus da bhràithrean, dà‑fhear-dheug:

¹⁶ An naoidheamh do Mhataniah, da mhic agus da bhràithrean, dà‑fhear-dheug:

¹⁷ An deicheamh do Shimei, da mhic agus da bhràithrean, dà‑fhear-dheug:

¹⁸ An t‑aon-deug do Asareel, da mhic agus da bhràithrean, dà‑fhear-dheug:

¹⁹ An dara-crannchur-deug do Hasabiah, da mhic agus da bhràithrean, dà‑fhear-dheug:

²⁰ An treasa-deug do Shubael, da mhic agus da bhràithrean, dà‑fhear-dheug:

²¹ An ceathramh deug do Mhatitiah, da mhic agus da bhràithrean, dà‑fhear-dheug:

²² An còigeamh-deug do Ierimot, da mhic agus da bhràithrean, dà‑fhear-dheug:

²³ An siathamh deug do Hananiah, da mhic agus da bhràithrean, dà‑fhear-dheug:

²⁴ An seachdamh deug do Iosbecasah, da mhic agus da bhràithrean, dà‑fhear-dheug:

²⁵ An t‑ochdamh deug do Hanani, da mhic agus da bhràithrean, dà‑fhear-dheug:

²⁶ An naoidheamh-deug do Mhaloti, da mhic agus da bhràithrean, dà‑fhear-dheug:

²⁷ Am ficheadamh do Eliatah, da mhic agus da bhràithrean, dà‑fhear-dheug:

²⁸ An t‑aon-ar‑fichead do Hotir, da mhic agus da bhràithrean, dà‑fhear-dheug:

²⁹ An dara-ar‑fhichead do Ghidalti, da mhic agus da bhràithrean, dà‑fhear-dheug:

³⁰ An treas-ar‑fichead do Mhahasiot, da mhic agus da bhràithrean, dà‑fhear-dheug:

³¹ An ceathramh-ar‑fhichead do Romamti-eser, da mhic agus da bhràithrean, dà‑fhear-dheug.