Psalmowo 129 - Agbenya La

Psalmo 129

Mɔzɔha.

¹ Wotem ɖe anyi ale gbegbe tso nye ɖekakpuime ke. Israel negblɔ be,

² “Wotem ɖe anyi ale gbegbe tso nye ɖekakpuime ke, gake womeɖu dzinye o.

³ Agbleŋlɔlawo ŋlɔ nye dzimegbe, eye woɖe boliƒowo wodidi,

⁴ gake Yehowa nye dzɔdzɔetɔ, etso kam tso ame vɔ̃ɖiwo ƒe babla me.”

⁵ Na be ame siwo katã tsri Zion la, nagbugbɔ ɖe megbe kple ŋukpe.

⁶ Na be woanɔ abe gbe si wotsɔ gbã xɔe ene, gbe si yrɔna, hafi ayi miemie ge.

⁷ Ale gbetsola mate ŋu atsoe alɔ ɖe asime loo, alo ame si le elɔm la, nayi elɔ ge ɖe abɔdome o.

⁸ Ame siwo to afi ma yi la megagblɔ be, “Yehowa ƒe yayra nenɔ dziwò; míeyra wò le Yehowa ƒe ŋkɔ me” o.