Psalmowo 122 - Agbenya La

Psalmo 122

David ƒe mɔzɔha.

¹ Mekpɔ dzidzɔ kple ame siwo gblɔ nam be, “Mina míayi Yehowa ƒe aƒe me.”

² O! Yerusalem, míaƒe afɔwo le wò agbowo nu.

³ Wotso Yerusalem, eye nèle abe du si tsyia ɖe wo nɔewo nu ene.

⁴ Afi ma to vovovoawo yina, Yehowa ƒe toawo, be woakafu Yehowa, le ɖoɖo si wòna Israel nu.

⁵ Afi ma woɖo ʋɔnudrɔ̃zikpuiwo ɖo, David ƒe aƒe la ƒe fiazikpuiwo.

⁶ Mido gbe ɖa, abia ŋutifafa na Yerusalem be, “Ame siwo lɔ̃ wò la nenɔ dedie.

⁷ Ŋutifafa nenɔ wò gliwo me kple dedinɔnɔ le wò fiasãwo me.”

⁸ Le nɔvinye ŋutsuwo kple xɔ̃nyewo ta, magblɔ be, “Ŋutifafa nenɔ mewò.”

⁹ Le Yehowa, míaƒe Mawu la ƒe aƒe la ta, madi dzidzedze na wò.