Pawlae ma Rom märü üng kangkawng tähang tärü saite cae 12 - Asang Khongso New Testament

Sithaw Tok Thungah Hinghaih

¹ Topongah naukamzanawk, Sithaw mah aicae hae katingai ah palungnat pongah nangcae takbum boih to Sithaw khaeah angbawnhaih kahing batiah paek tahlang oah; angmah ih tok pongah kangpaek hoi talawk hankoi ka krah ah om oah; toto loa na paek o hankoi bokhaih tangtang to ni.

² Hi longnui tawk batiah hae om o hmah, to-e Sithaw mah nangcae ih palungthin boih to athungbang ah kacung ta-ah alaih pan na soe. Totibaloa Sithaw koehhaih ih to nangcae mah panoek o ueloa Sithaw hma-ah timaw ka hoih, timaw anih palung anghoehaih ih tihoi timaw kacung kakoep tito na panoek o thaih tih.

³ Sithaw ih tahmenhaih langrae ang paek ih ranghoiah nangcae longto rip khaeah hitiah kang thuih o: Nangmahcae hoi nangmahcae to kasang paraiah angdawn o hmah. Totipongah loa Sithaw mah taanghaih paek o ih taring batiah dawnhaih ih to oh na soe.

⁴ Aicae mah takbum maeto pongah tanghang tawnh o mang moa hi tanghangnawk hae tok kalah kalah to a tawnh o.

⁵ Tobatih toengah aicae hae kami pop o mang e Khrih hoiah angpaehhaih ranghoiah takbum maeto ni oh o. Takbum maeto pongah tanghang kalah kalah to angpaeh o cu batiah aicae doehsoe longto hoi longto angpaeh o boih.

⁶ Topongah langrae kalah kalah hnuk o ih hae Sithaw mah paek ih tahmenhaih hnuk o ih taring batiah patoh o si;

⁷ mi kalah hanah toksak hankoi ah oh nahaeloa sah o si; patuk koiah oh o nahaeloa patuk o si;

⁸ mi kalah thapaek hankoi ah oh o nahaeloa thapaek o si. A tawnh ih vawnsai to minawk paek hankoi ah oh o nahaeloa kuuhoihhaih hoiah paek o si; akaatawnhhaih ih to tawnh o nahaeloa thahoihhaih hoiah toksah o si; mi kalah khaeah tahmen palungnathaih amtuengsak koiah oh o nahaeloa palung anghoehaih hoiah amtuengsak o si.

⁹ Amlunghaih loa palungthin tangtang hoiah palung han oh. Kahoih ai hmuen to hnumaa aloa hmuen kahoih to amkhoeh o poe ah.

¹⁰ Khrihca naukamza ah na oh o batiah longto hoi longto amlung o aloa longto hoi longto khangza oah.

¹¹ Toksak panki o aloa thasae o hmah. Palungthin boih hoiah Angraeng ih tok to sah oah.

¹² Nangcae oepdoenghaih ih mah palungthin to anghoesak o na soe; raihaih na tongh o na-ah palungsawksak o aloa apet aiah khoephoeh oah.

¹³ Khrihca ampui ka vawt kaminawk khaeah na tawnh o ih hmuenmae to paek pazet o aloa angvin angvanawk hanah imtoemh paong pae oah.

¹⁴ Nangcae pacaekhlaek kaminawk to Sithaw khaeah tahamhoihhaih hnih pae o aloa anihcae to tangoeng aiah tahamhoihhaih hnih pae oah.

¹⁵ Anghoe kaminawk to anghoe o haih toeng aloa ka qah kaminawk to qah o haih toeng ah.

¹⁶ Nangmahcae taham to na poek o batih toengah mi kalah taham to doeh poek pae o haih toeng ah. Amoek o hmah aloa tok kathoeng tata sak koehhaih ih palungthin tawn oah. Kacing kami ni tiah dawn o hmah.

¹⁷ Kami longlongto mah nangcae nuiah hoihhaih ai ih a sak na-ah hoihhaih ai hoiah pathok o hmah. Mi boih mah a hoih tiah dawn ih to sak hanah panki oah.

¹⁸ Mi boiboih hoiah angdaehhaih hoiah khosak hanah cungriboih to a zom thaih thung a zom oah.

¹⁹ Kampuinawk, natuek doeh lu la o hmah, Sithaw palungphuihaih ih mah ato to sah halat na soe. Kawmawtiah Cabu Kacai mah, “Kaimah lu ka lak han, kaimah ka pathok han, tiah Angraeng mah a ti,” tiah a thuih.

²⁰ Topacoengah Cabu Kacai mah, “Na misa to zok amhlam nahaeloa buh pacah ah; tui anghae nahaeloa tui paek ah; kawmawtiah hitiah sakhaih ranghoiah azathaih hmai kamngaeh to a lu nuiah na koeng pae ah om tih,” tiah a thuih batiah sah oah.

²¹ Kahoih ai mah nangcae to pazawk hmah na soe; kahoih ai to hoihhaih hoiah pazawk o lat ah.