Lokphong 15 - Asang Khongso New Testament

Nathaih Kasae Hnukkhuem Koek

¹ Topacoengah nilavan ah dawnrai kaom hoi kalen parai mathaih ih kalah maeto ka hnuk. Vanmi sarihto mah nathaih kasae sarihto to a sinh o, ato nathaih kasaenawk loa hnukkhuem koek raekhaih ih boah ni; kawmawtiah Sithaw palungphuihaih ih patuenghaih hnukkhuem koek boah ni.

² Topacoengah ka khet moa hmai hoiah abaeh ih hmaidan tuiculi hoiah kahmong to ka hnuk. Moisaeng hoi angmah ih kraang doehsoe, a hmin zuengah nambat ka tawn doehsoe, ka pazawkkungnawk to ka hnuk. Anihcae loa Sithaw mah paek ih katoengnawk to sinh o moa hmaidan tuiculi tuitaeng ah to angdoet o moa,

³ Sithaw ih tamtoeh Mosi ih laa hoi Tuuca ih laa to a sak o: “Cungri sahthai Angraeng Sithaw, Na sak ih hmuennawk hae natanto maw dawnrai han oh! Caeng kaminawk, boih ih Sangpahrang, Nang ih loklam loa natanto maw a toeng moa ahmaan!

⁴ Angraeng, nang ka zi ai to mimaw ka om han? Na lenhhaih taphong aiah ka aek han mimaw ka om? Nang khueh ni kacai. Caeng kami boiboih mah angzo ueloa nang to bok o tih, kawmawtiah hmuen katoeng na sak ihnawk to mi boiboih mah a hnuk o king,” tiah a naa o.

⁵ Topacoengah van ih tempal kam-ong to ka hnuk moa a thungah Kahni im Kacai to doeh ka hnuk bae.

⁶ Nathaih kasae sarihto ka tawn vanmi sarihto loa tempal thung hoitoah tacawt o; anihcae loa kahni kanglung sadae hlup to angkhuk moa saoek ah sui kaengkaeh hoiah ang zaeng.

⁷ Topacoengah hmuensak kahing palito thungih longto mah dungzan hoi dungzan khoekto ah kahing Sithaw ih palungphuihaih hoiah ka koi sui boengloeng sarihto to vanmi sarihto khaeah a paek.

⁸ Tempal loa Sithaw Tharahhaih hoi lensawkhaih hmaikhue hoiah koi moa vanmi sarihto mah a sinh ih nathaih kasae sarihto to anghmat airoek loa ami doeh tempal thungah akun o thaih ai.