Lokphong 11 - Asang Khongso New Testament

Saksi Hnetto

¹ Topacoengah nawthaih cung hoiah kahmong cung maeto ang paek moa, “Caeh aloa Sithaw ih tempal hoi bokting to nawt ah; tempal thungah Sithaw ka bok kaminawk boih to kroek ah.

² To-e tempal tasabang longhma loa nawt hmah, kawmawtiah Sithaw panoek ainawk khaeah paek ah oh boah moa ato kaminawk loa khra quipalito pacoeng khra hnetto thung Vangpui Kacai to khok hoiah atii o king tih.

³ Panoek bomkung saksi longhnetto buri kangkhuk to ka patoeh han; anihcae mah Sithaw lok to tahmanawk batiah ni sangto pacoeng cumvaihnetto hoi quitarukto thung thui o tih,” tiah ang naa.

⁴ Saksi hnetto loa oliv kung hnetto hoi long Angraeng hma-ah kangdoe hmai-im hnetto ni.

⁵ Ami doeh anih hnit to paro han ka zom boih loa anih hnit pakhaa thung hoi-ih ka tacawt hmai mah misanawk to paduek king; ami doehsoe anih hnitto hmacaksak hanah kangcaeng loa hitihaeah paduek ah om tih.

⁶ Anih hnit mah Sithaw lok thuih taphong nathung loa kho angzoh han aiah van to khah khoep hanah akaa to a tawnh hoi. Anih hnit loa tuipueknawk to doeh athii ah coenghsak hanah akaa a tawnh hoi bae; long doehsoe a koeh tue naroekah raihaih congca hoiah raekhaih thai ih akaa doehsoe a tawnh.

⁷ Anih hnit mah tamthang lok a thuih hoi boih pacoengah tangqom kathuk thung hoi-ih ka tacawt moisaeng mah ato hnit to hmang tih. Pazawk ueloa paduek tih.

⁸ Anih hnit ih a qok loa vangpui kalen thungih lam pongah angsong tih, ato vang loa anih hnit ih Angraeng to kraws ah takhinghaih ih vang to ni. Ato vangpui patuenghaih ih ahmin loa Sodom tiaibaloa Izipt ni.

⁹ Prae boih, acaeng boih hoi lok congca boih ih kami boiboih mah anih hnit ih qok to ni thumto pacoeng a boengh thung khen o ueloa up hanah doeh paek mak ai.

¹⁰ Hi kami longhnetto duek pongah longnui kaminawk loa anghoe o tih. Poi sah o ueloa longto hoi longto tangqum paek o tih, kawmawtiah hi tahma longhnetto ranghoiah longnui kaminawk to patang khanghaih paroeai paek tih.

¹¹ Ni thumto pacoeng a boengh pacoengah Sithaw khaeih hingh anghahaih to angzoh moa anih hnit thungah akun moa ato hnit loa angdoet hoi; ato ka hnuh kami boiboih mah tasoeh takuen o.

¹² Topacoengah ato tahma longhnetto hnit mah van hoi-ih, “Hiah daw hoi tahang ah,” tiah lok katuen paraiah thuih ih to a thaih hoi. Angmah hnit ih misanawk mah khet o nathuemah tamai thungah van ah to a dawh hoi.

¹³ Ato tue thuem ta roeroe ah tali kana parai a hnawh; vangpui hmuenh hato ah hmuenh maeto amro king moa kami sangsarihto duek o. Kanghmat kaminawk to loa tasoeh takuen o moa van Sithaw lensawkhaih ih to pakoeh o.

¹⁴ Zitman kaom pahnithaih ih loa poeng zawh boah, to-e zitman kaom pathumhaih ih to angzo phrat tih.

Mongka Sarihhaih

¹⁵ Topacoengah sarihhaih vanmi mah angmah ih mongka to a uengh moa van ah lok katuen paraiah, “Longnui ukhaih ih akaa loa aicae Angraeng hoi angmah Messiah ih boah moa dungzan hoi dungzan khoekto na uk tih,” tiah a thuih o.

¹⁶ Topacoengah Sithaw hma-ah angmahcae ih angraeng tangkhang nuiah kanghnu kacoeta pumphae palitonawk loa tongkhum o moa Sithaw to a bok o,

¹⁷ anihcae mah, “Cungri sahthai Angraeng Sithaw, nang loa vaihiah ka om hoi zanghnii ah ka om ah na oh boah. Tharahhaih kalen to na patoh moa ukhaih to namtong boah pongah kang kawnh parai.

¹⁸ Sithaw ka bok ainawk loa palung a phui o, kawmawtiah nang ih palungphuihaih tue loa a phak boah moa, kadueh kaminawk lokcaekhaih tue loa phak boah. Nang ih tamtoeh tahma hnit hoi nang to khangzahaih ka paek nangmah ih Sithaw kaminawk, kathoeng kalen boih to kawnvang paek hanah atue mah phak boah. Long ka paro kaminawk to paro tahmat hanah atue mah phak boah,” tiah a thuih o.

¹⁹ Van ih Sithaw tempal loa am-ong moa toah to Paipi Thingkhong ka hnuk. Topacoengah tangphra a puek, kho pazih, parae saka a krak, tali a hnawh moa yae katingai krak.