Jako 5 - Asang Khongso New Testament

Angraengnawk Acoepaekhaih

¹ Nangcae angraeng kanangnawk, vaihi ka lok hae tahngai oah! Nangcae nuiah raihaih kangzo hankoi pongah qah oloa tacu talaeng oah.

² Nangcae ih angraenghaih vawnsainawk to hmawnh boih boah moa hniikhuk hnibuenhnawk doeh karaa mah cak boih boah.

³ Nangcae ih sui hoi maku to sum-aek mah a cak moa ato sum-aeknawk to loa nangcae koeh ai ih kamtuengsakkung saksi ah om ueloa nangcae ih a moi to hmai batiah ka caakung ah om o tih. Hi kaboeng tom atue ani ah hae nangcae mah vawnsai to na patung o.

⁴ Nangcae ih lawk ah tok ka sahnawk to toktho tita doeh na paek pae o ai. Anihcae ih laisaephaih to tahngai oah! Nangcae ih cang ka atnawk qahhaih lok loa Lensawk Angraeng Sithaw mah a thaih boah.

⁵ Hae long ah nangcae ih hinghaih to koeh ih acunghaih hoi zongohhaih phi hoiah na hingh o. Boh hanih moi batiah moi boh ni han-iah nangmahcae hoi nangmahcae to ka thauk ah namcah o.

⁶ Nangcae loa zaehaih ka tawn ainawk to na zawnsak moa na hum o, anihcae mah nangcae to na aek o ai.

Pauephaih hoi Khophoehhaih

⁷ Topongah naukamzanawk, Angraeng angzoh ai roekto palungsawkhaih hoiah om oah. Lawk ka tawnkung mah a lawk thungih atho kaom cangthaih hnuk hankoi to palungsawkhaih hoiah a zing to dawn oah. Anih loa khotui krah tangsuek hoi hnukkhuem to palungsawkhaih hoiah a zing.

⁸ Nangcae doeh palungsawksak o toeng ah. Oepdoenghaih kasang paraiah suem oah. Angraeng to angzoh tom boah.

⁹ Naukamzanawk, longto hoi longto to thuihprong o hmah, tona-ah ni loa Sithaw mah nangcae to lokcaek o mak ai. Lokcaekkung loa hnai daek ah oh moa angzoh hanah coengcoe ah oh boah.

¹⁰ Naukamzanawk, Angraeng hmin hoiah lok taphong tahmanawk to pahnet o hmah. Patang khanghaih thungah palungsawkhaih hoiah pauep o ih to nangcae mah khenpatawt oah.

¹¹ Anihcae loa pauep o kop pongah palung kanghoe kami tiah aicae mah naa pae o. Job ih palungsawkhaih to na thaih o boah moa aboeng nabangah Sithaw mah a paek pae let ih to na panoek o. Kawmawtiah Angraeng loa tahmenhaih hoi mi palungnathaih hoiah a koi.

¹² Naukamzanawk, kalah boih pongdoeh lok amaihhaih na sak o na-ah loktaaphaih to patoh o hmah. Nangcae mah van palawkhaih hoiah doehsoe, longlai palawkhaih hoiah doehsoe, hmuen kalah palawkhaih hoiah doehsoe lok a taap o hmah. “Ue” tiah thui han koeh baloa “Ue” tiah khueh to mah thui oah; “Na ai” tiah thui han koeh nahaeloa “Na ai” tiah khueh mah thui pae oah. Totiah na thuih o nahaeloa Sithaw ih lokcaekhaih thungah na kun o mak ai.

¹³ Nangcae thungah raihaih ka tongh kami oh maw? Khophoe na soe. Nangcae thungah palung kanghoe kami oh maw? Saphawhaih laa sah na soe.

¹⁴ Nangcae thungah ngoina kami oh maw? Om nahaeloa Khrihca kangkom kacoetanawk to kawk na soeloa khophoeh na soe, anihcae mah Angraeng hmin hoiah oliv situi to nok o na soeloa khophoeh o na soe.

¹⁵ Taanghaih hoiah khophoehhaih ih mah nganna to hoihsak tih; Angraeng mah ngantuihaih to paek let ueloa zaehaih a sak ih to doeh tahmen pae tih.

¹⁶ Topongah na zaehaih o ih to longto hoi longto taphong o aloa longto hoi longto khophoe oah; totibaloa nangcae mah na hoih o tih. Kami kahoih ih khophoehhaih loa hmuensak thaihaih ih to a tawnh.

¹⁷ Elijah doehsoe aicae batih kami toeng ni. Anih loa kho angzoh han aiah palungthin tang hoiah kho a phoeh moa saning thumto hoi aboeng longnui ah kho angzo aiah oh.

¹⁸ Anih loa kho a phoeh let bae, tona-ah kho to angzoh moa longlai mah cangbaenawk to tacawtsak.

¹⁹ Naukamzanawk, nangcae thungih longlongto loktang hoitoah lam kanghmang moeng moa mi kalah longlongto mah angzo haih let na-ah,

²⁰ hi hae pahnet o hmah: ami doeh kami kazae longto to loklam tahmanghaih hoitoah kamlaem haih let loa kami kazae ih pakhra to duekhaih thung hoitoah pahlong ueloa zaehaih paroeai tahmenhaih ohsak tih.