2 Thesalon 3 - Asang Khongso New Testament

Kho Na Phoeh Pae Oah

¹ Naukamzanawk, aboenghaih koek ah, Angraeng ih tamthang loa nangcae salak thungah angpung tahang batiah karang ah angpung poepoe han hoi lensawkhaih hoiah talawk ah oh hanah kho na phoeh pae oah.

² Sithaw ih tamthang lok loa mi boiboih mah taang o ai taang o ai pongah Sithaw mah kami kahoih ai hoi kami kasaenawk thung hoitoah ang loihsak hanah kho na phoeh pae oah.

³ To-e Sithaw loa oep ka thok ni, angmah to tharahhaih na paek ueloa Kahoih-ai Kami khae hoitoah kasueng ta-ah na ohsak tih.

⁴ Angraeng mah aicae hanah oeptanghaih palungthin to nangcae nuiah ang paek o. Kang thuih o ihnawk to na sah o poe tih tito ka taang o.

⁵ Sithaw amlunghaih ih hoi pauephaih ih kanoi aep aep ah na panoek o haih hanah Sithaw mah na zaehoi o poe na soe.

Sak Hanih Tok

⁶ Nauk amzanawk, tha kasae taangcanawk boih hoi kaicae mah kang patuk o ih ka pazui ai taangcanawk boih to loa angkom haih han aiah aicae Angraeng Jesuh Khrih hmin hoiah lok kang paek o.

⁷ Kaicae ka sak o ih batih toengah khetpatawt moa sak han oh tito nangmahcae khaekhaeh mah na panoek o. Nangcae khaeah ka oh o na-ah tha kasae o ai.

⁸ Atho paek aiah ami khaeah doeh ka lak o ih om ai. Kaimahcae mah tha kana parai hoiah tok ka sak o; nangcae thungih ami hanah doeh hmuenzit ah oh han aiah qum thun tok ka sak o.

⁹ Hitiah tok ka sakhaih o ih loa nangcae khaeah abomhaih kang hnik o thaihhaih ih akaa ka tawn o ai pongah doeh na ai ni; nangcae mah khetpatawt moa pazui hanah ka sak o ih ni.

¹⁰ Nangcae hoiah nawnto ka oh o nathuemah, “Ami doeh toksak hanah ka koeh ai kami loa buh doeh caa hmah na soe,” tiah ka thui o toemtoem.

¹¹ Hitiah ka thuihhaih o ih loa nangcae salak thungah thoemto tha kasae to oh o moa tidoeh sak koeh aiah minawk to raicanghaih a paek o tiah ka thaih o pongah ni.

¹² Totiah kaom kaminawk to hoihdak ta-ah khosak han hoi angmahcae zok angkok hanih toksak toeng hanah Angraeng Jesuh Khrih hmin hoiah kaicae mah thapaekhaih hoi acoehaih to ka paek o.

¹³ To-e nangcae naukamzanawk, hmuen kahoih sak hae paqak o hmah.

¹⁴ Hi ca thungah kang pat o ih lok ka pazui ai longlongto om kalang tih. Tobatih kami to om nahaeloa panoek o aloa azat phawhsak hanah angkom o haih hmah.

¹⁵ Anihcae to misa batiah khen o hmah aloa taangca ampui batiah acoehaih to paek oah.

Aboenghaih Lok

¹⁶ Aicae monghaih takung Angraeng angmah monghaih to a congca ah kawtih tue ah doeh paek o na soe. Angraeng loa nangcae boih khaeah oh na soe.

¹⁷ Paul mah ban kang sinh o, ti ih lok hae kaimah ban khaeh hoiah ka tarik. Capat kruekah hitiah ka hmin hae ka tarik; hitiah ka tarik hae kaimah ih tarik tawk roe boah ni.

¹⁸ Aicae Angraeng Jesuh Khrih tahmenhaih loa nangcae boih khaeah oh na soe.