Nnwom 54 - Akuapem Twi Nkwa Asɛm

Dwom 54

Dawid “maskil” dwom. Ɔtoo no bere a Sififo kɔka kyerɛɛ Saulo se, “Dawid abehintaw wɔ yɛn mu.”

¹ Ao, Onyankopɔn, gye me wɔ wo din mu; fa wo tumi bu me bem.

² Ao, Onyankopɔn, tie me mpaebɔ; tie mʼanom nsɛm.

³ Ahɔho retow ahyɛ me so. Atirimɔdenfo rehwehwɛ me akum me; nnipa a wɔmmfa Onyankopɔn nyɛ hwee.

⁴ Ampa ara, Onyankopɔn ne me boafo; Awurade ne me hwɛfo.

⁵ Ma mmusu nkyim mmra wɔn a wodi me ho nseku no so; wo nokwaredi mu, sɛe wɔn.

⁶ Mefi me pɛ mu abɔ afɔre ama wo; Awurade, meyi wo din ayɛ, efisɛ eye.

⁷ Woagye me afi me haw nyinaa mu, na mʼani ahu nkonimdi wɔ mʼatamfo so. Wɔde ma dwonkyerɛfo. Wɔde sanku na ɛto.