Nnwom 130 - Akuapem Twi Nkwa Asɛm

Dwom 130

Ɔsoroforo dwom.

¹ Awurade, mifi bun mu su frɛ wo;

² Awurade, tie me nne. Wɛn wʼaso ma me nkotosrɛ.

³ Awurade, sɛ wubu yɛn bɔne ho nkontaa a, anka hena na obetumi agyina ano?

⁴ Nanso wowɔ bɔnefakyɛ; ɛno nti wosuro wo.

⁵ Metwɛn Awurade, me mu ade nyinaa twɛn, na nʼasɛm mu na mede mʼanidaso ahyɛ.

⁶ Metwɛn Awurade sen sɛnea awɛmfo twɛn adekyee, sen sɛnea awɛmfo twɛn adekyee.

⁷ Israel, ma wʼani nna Awurade so, efisɛ Awurade wɔ adɔe a enni huammɔ na ogye ankasa wɔ ne mu.

⁸ Ɔno ankasa begye Israel afi wɔn bɔne nyinaa mu.