Nnwom 128 - Akuapem Twi Nkwa Asɛm

Dwom 128

Ɔsoroforo dwom.

¹ Nhyira ne wɔn a wosuro Awurade, na wɔnantew nʼakwan so.

² Wubedi wʼadwuma so aba; nhyira ne yiyedi bɛyɛ wo de.

³ Wo yere bɛyɛ sɛ bobe a ɛsow aba wɔ wo fi; na wo mmabarima ayɛ sɛ ngodua a afifi atwa wo pon ho ahyia.

⁴ Yiw, sɛɛ ne nea wobehyira onipa a osuro Awurade no.

⁵ Awurade nhyira wo mfi Sion na ɔmma wunhu Yerusalem yiyeyɛ; wo nkwanna nyinaa.

⁶ Ɔmma wo ntena ase nhu wo mma mma. Asomdwoe nka Israel.