Nnwom 121 - Akuapem Twi Nkwa Asɛm

Dwom 121

Ɔsoroforo dwom.

¹ Mema mʼani so kyerɛ mmepɔw no, ɛhe na me mmoa fi bɛba?

² Me mmoa fi Awurade, ɔsoro ne asase yɛfo no.

³ Ɔremma wo nan nwatiri, nea ɔhwɛ wo no rentɔ nko.

⁴ Ampa ara, nea ɔhwɛ Israel no rentɔ nko na ɔrenna.

⁵ Awurade hwɛ wo so; Awurade ne wo nwini wɔ wo nsa nifa so;

⁶ Owia rensɛe wo wɔ adekyee mu, na ɔsram nso rensɛe wo anadwo.

⁷ Awurade bɛbɔ wo ho ban afi ɔsɛe nyinaa ho, ɔbɛhwɛ wo nkwa so;

⁸ Awurade bɛhwɛ wʼadifi ne wo fieba so mprempren ne daa.