Nnwom 100 - Akuapem Twi Nkwa Asɛm

Dwom 100

Ayeyi Dwom.

¹ Mommɔ ose mma Awurade, asase nyinaa.

² Momfa ahosɛpɛw nsom Awurade; momfa anigye nnwom mmra nʼanim.

³ Munhu sɛ Awurade yɛ Onyankopɔn; ɔno na ɔyɛɛ yɛn, na yɛyɛ ne de; yɛyɛ ne nkurɔfo ne ne didibea nguan.

⁴ Momfa aseda nhyɛn nʼapon mu, na momfa nkamfo nkɔ nʼadiwo; momfa aseda mma no, na monkamfo ne din.

⁵ Awurade ye; na nʼadɔe wɔ hɔ daa; ne nokwaredi kodu awo ntoatoaso nyinaa so.