1 Corinto 3 - Inkeanon

Ro Pag-ilinaway ku mga TagaCorinto hay Nagapakilaea nga ro Andang Paino-ino hay Pareho Pa ku Ana it mga Tawo Iya sa Kalibutan

¹ Mga igmanghod, tag inha anay ako kaibahan ninyo, dapat eo't-a kunta nga ro akong ginaturo kinyo hay tag bagay eo't-a sa mga ginagiyahan ku Espirito Santo nga una kanda ugaling indi't-a puydi. Ham-an abi? Hay matsa mga eapsag gihapon kamo sa inyong pagtuo kay Kristo ag ginagamhan pa it inyong kinalibutanon nga kinaiya.

² Ngani mga simple eang nga pagturo ro akon nga ginturo kinyo ay indi pa ninyo maeubtan ro mga madaeom ag malisod. Kon sa pagkaon ron, gatas pa eang ro inyong masarangan. Hasta pa ngani makaron hay makaruyon gihapon kamo!

³ Ginhambae ko eon ngani nga ginagamhan pa kamo it inyong kinalibutanon nga kinaiya. Makita ron dahil nagahilisaan ag nagailinaway kamo. Nagakabuhi pa't-a gihapon kamo pareho ku mga tawo iya sa kalibutan nga owa nagatuo sa Dyos.

⁴ Kon may maghambae abi nga si Pablo mana ro akong ginasunod ag mahambae ma't-a ro isaea nga si Apolos mana ro akon, bukon abi it paino-ino ron ku mga tawo nga owa nagatuo sa Dyos?

⁵ Sin-o gid abi ako nga si Pablo ag sin-o man si Apolos? Mga sueuguon man lang kami it Dyos nga anang gin-gamit agod magtuo kamo kay Kristo. Gintuman man lang namon ro sugo it Dyos sa kada isaea kamon.

⁶ Kon sa pagpananom ron hay ako ro nagtanom, si Apolos ro nagbunyag pero ro Dyos ro nagapatubo.

⁷ Ngani ro manogtanom ag ro manogbunyag hay bukon gid it importanti. Ro Dyos ro importanti sa tanan dahil imaw ro nagapatubo.

⁸ Ro manogtanom ag ro manogbunyag hay sambilog eang ro tinutuyo ag pagapremyuhan ku Dyos ro kada isaea kanda suno sa andang kinabudlayan.

⁹ Paeareho kami ni Apolos nga nagaserbi sa Dyos. Ag kamo nga among ginatud-an hay ikahalimbawa sa katamnan it Dyos ag sa ana man nga bilding nga anang ginapatindog.

¹⁰ Bilang mayad nga panday, ginbutang ko ro pundasyon paagi sa abilidad nga gintao kakon it Dyos ag ginapadayon man ku iba. Pero ro mga nagapadayon sa pagpatindog ku bilding hay dapat nga maghaeong gid sa andang ginaobra.

¹¹ Dapat nanda masayran nga ro pundasyon nga una eon hay indi puydi nga bayluhan dahil ro pundasyon ngaron hay si Jesu-Kristo mismo.

¹² Sa pagpadayon sa pagpatindog ku bilding sa pundasyon ngato, puydi nga maggamit it sari-sari nga materyales pareho it bueawan, pilak, mga maeahaeon nga bato, kahoy, kugon o dagami.

¹³ Pero sa adlaw it paghukom, ro kalidad ku materyales nga gin-gamit it kada tawo sa pagpatindog ku bilding ngato it Dyos hay mahayag dahil pagatestingan ra sa kaeayo. Kon ro andang ginturo hay tama, indi ra maalin sa kaeayo pero kon saea hay masunog ra. Dikaron dayon mapamatud-an kon tama o bukon ro andang ginturo.

¹⁴ Kon indi masunog ro ginpatindog sa pundasyon hay pagapremyuhan ro nagpatindog karon.

¹⁵ Pero kon masunog ngani hay owa gid imaw it mabaton. Maeuwas imaw pero matsa tawo nga haagaw sa sunog.

¹⁶ Owa baea kamo kasayod nga kamo nga mga tumueuo inha hay templo it Dyos ag una kinyo nagaistar ro anang Espirito?

¹⁷ Ro magasamad sa templo it Dyos hay imaw man ro pagasamaron it Dyos dahil ro templo it Dyos hay anang ginpaeain para eang kana ag kamo ro templo ngaron.

¹⁸ Ayaw ninyo paglukuha ro inyong kaugalingon. Kon may una kinyo nga nagaeaom nga maaeam imaw sa pagtan-aw ku mga tawo iya sa kalibutan hay mas mayad pa nga mangin kaumangon imaw sa andang pagtan-aw agod mangin maaeam matuod imaw it kaaeam halin sa Dyos.

¹⁹ Ro kaaeam abi it mga tawo iya sa kalibutan hay pinaumang sa pagtan-aw it Dyos. Matuod ra dahil may nasueat sa Sagradong Kasueatan nga “Ro katuso mismo ku mga maaeam nga tawo ro ginagamit it Dyos agod hidakpan sanda.”

²⁰ Nasueat pa gid sa Kasueatan, “Sayod it Dyos nga ro mga ginapaino-ino ku mga mangin-aeamon hay owa it pueos.”

²¹ Ngani ayaw kamo it pabugae nga sumueunod kamo it sangka tawo dahil tanan nga inyong kinahangean hay gintao kinyo para sa inyong kamaeayran.

²² Bisan ako nga si Pablo, o si Apolos o si Pedro hay gintao kinyo para sa inyong kamaeayran. Makaruyon man ro tanan sa kalibutan, ro kabuhi o ro kamatayon, ro makaron, ag ro paeaabuton. Ro tanan-tanan hay inyo para sa inyong kamaeayran.

²³ Ag kamo hay ay Kristo ag si Kristo hay ana it Dyos.