Zaburu 93 - ALA KA KUMA

Masaba le ye masa ye

¹ Masaba ye kuntigi ye. Dawula b'a kan kosɔbɛ, fanga b'a fɛ. Diɲɛ sigira ka ɲa, a tena cɛn.

² Ala, i ka masaya be yen kabini fɔlɔfɔlɔ, i be yen kudayi.

³ Masaba, bajiw be mankan kɛra, u be mankan kɛra, u wuruwurukan be bɔra.

⁴ Masaba mankan tɛmɛna bajiw ta kan, a tɛmɛna kɔgɔji jikuru kabakomanw ta kan. Boɲa be Masaba kan sanfɛ yɔrɔ la.

⁵ Masaba, e ka fɔtaw ye tiɲɛ ye tigitigi. Saniya le ka kan n'i ka soo ye, waati bɛɛ kɔnɔ.