Zaburu 85 - ALA KA KUMA

Masaba be hɛrɛ koo fɔ

¹ Dɔnkililabagaw kuntigi ka dɔnkili. Kore kɔmɔgɔw ka dɔnkili dɔ.

² Masaba, e y'i ka ɲumanya kɛ i ka jamana ye. Isirayɛliden minw tun minɛna ka taga, i y'a kɛ olu kɔsegira ka na.

³ E y'i ka jama ka fili yafa, i y'a ka kojuguw bɛɛ yafa.

⁴ I y'i ka dimi ban, i y'i ka dusufariya dabila.

⁵ An Kisibaga Ala, an ka koo sabati tugu. I k'i ka dimi ban an faan fɛ.

⁶ I diminin bena to an kɔrɔ kudayi wa? I diminin bena to waati nata mɔgɔw kɔrɔ wa?

⁷ Ele le tena tila k'an to nii na janko e ka jama ka nisɔndiya i kosɔn wa?

⁸ Masaba, e ka ɲumanya kɛ an ye, an kisi.

⁹ Masa Ala be min fɔ, ne b'o lamɛn. A be hɛrɛkuma fɔr'a ka jama n'a ɲasiranbagaw ye, janko u kana kɛ nalomanw ye tugu.

¹⁰ Tiɲɛ na, Ala ka kisili yɔrɔ man jan a ɲasiranbagaw la. A ka nɔɔrɔ bena to an ka jamana kɔnɔ.

¹¹ Ɲumanya ni kantigiya bena ɲɔgɔn kunbɛn, tilenninya ni hɛrɛ bena ɲɔgɔn minɛ.

¹² Kantigiya bena falen ka bɔ dugukolo la, tilenninya bena bɔ sankolo la ka jigi.

¹³ Masaba bena an ta ɲa, an ka dugukolo bena suman di.

¹⁴ Tilenninya bena taga Masaba ɲafɛ k'a ka sira dilan.