Zaburu 82 - ALA KA KUMA

Ala le be kiti tilennin tigɛ

1 Azafu ka dɔnkili dɔ.

¹ Azafu ka dɔnkili dɔ. Ala b'a ka mɛlɛkɛw cɛma. A be kiti tigɛ batofɛnw cɛma.

² «Tuma jumɛn aw bena kiti tilenbaliw ni mɔgɔjuguw dɛmɛ dabila?

³ Aw ka dɛsɛbagatɔw ni falatɔw ka tiɲɛ d'u ma. Aw ka fantanw ni sigɛnbagatɔw ka tiɲɛ fɔ.

⁴ Aw ka fantanw ni dɛsɛbagatɔw hɔrɔnya. Aw k'u bɔsi mɔgɔjuguw bolo.

⁵ Aw te foyi lɔn, aw te foyi faamuna. Aw be dibi la, ka to ka mɔmɔni kɛ. Dugukolo jusigilan bɛɛ yɛrɛyɛrɛla.

⁶ Ne b'a fɔ ko: ‹Aw ye batofɛn dɔw ye.› Aw ye Fɛɛn bɛɛ kuntigi ka somɔgɔw ye.

⁷ O bɛɛ n'a ta, aw bena sa i ko adamaden, aw bena la i ko ɲamɔgɔ dɔw.»

⁸ Ala, wili ka diɲɛ mɔgɔw kiti, bari ele le ye siyaw bɛɛ kuntigi ye.