Zaburu 70 - ALA KA KUMA

Na joona, Ala

¹ Dɔnkililabagaw kuntigi ka dɔnkili. Dawuda ka dɔnkili dɔ.

² Ala, ne bɔsi. Masaba, na joona ka ne dɛmɛ.

³ Mɔgɔ minw b'a fɛ ka ne faga, olu ka maloya kosɔbɛ. Ne ka sɛgɛn ka di minw ye, olu kuun surunin ka kɔsegi.

⁴ Minw be yɛlɛ haahaa ne kosɔn, maloya ka kɛ sababu ye olu ka kɔsegi!

⁵ Mɔgɔ minw b'i fɛ, a to olu ka nisɔndiya i kosɔn. E Kisibaga koo ka di minw ye, a to olu k'a fɔ tuma bɛɛ ko: «Ala ka tanu!»

⁶ Ne ye fantan ni sigɛnbagatɔ ye. Ala, na joona ne gɛrɛfɛ, ne dɛmɛbaga ni ne tangabaga, Masaba, kana mɛn tugu!