Zaburu 67 - ALA KA KUMA

Siyaw bɛɛ b'i tanu

¹ Dɔnkililabagaw kuntigi ka dɔnkili. Fɔlikɛminan jurulamanw le be fɔ a latuma na.

² Ala, i ka ɲumanya yira an na k'an ta ɲa. To an cɛma,

³ janko dugukolo kan mɔgɔw k'i sago lɔn, siya wɛrɛw bɛɛ k'a lɔn ko ele le ye kisibaga ye.

⁴ Siyaw b'i tanura, Ala, siyaw bɛɛ b'i tanu.

⁵ Siyaw bena nisɔndiya ka dɔnkili la, bari i b'u kiti ni tilenninya ye, e fana be sira yira siyaw la dugukolo kan.

⁶ Siyaw b'i tanura, Ala, siyaw bɛɛ b'i tanu.

⁷ Sɛnɛfɛnw be ɲa dugukolo kan. Ala, an ka Ala b'an dɛmɛ.

⁸ A b'an dɛmɛ. Mɔgɔw be siran a ɲa fɔɔ diɲɛ daan na.