Zaburu 53 - ALA KA KUMA

Ala n'a ka mɔgɔw, diɲɛ na

¹ Dɔnkililabagaw kuntigi ka dɔnkili. File le be fiyɛ a latuma. Dawuda ka dɔnkili dɔ.

² Nalomanw le b'a fɔ ko Ala te yen. Mɔgɔtilenbaliw lo, u ka kɛwaliw bɛɛ ye tilenbaliyakow ye, u si te koɲuman kɛ.

³ Ka Ala to sankolo kɔnɔ, a be adamaden filɛ, yala ni hakilitigi dɔ b'u cɛma n'o tigi be ale Ala ɲini.

⁴ U bɛɛ murutira, u bɛɛ ye tilenbaliw ye. Mɔgɔ si te yen min be koɲuman kɛ, hali mɔgɔ kelen yɛrɛ te yen.

⁵ O tuma na, minw be kojugu kɛ, olu te foyi lɔn wa? Olu minw be ne ka jama ɲimi i ko u be dumuni kɛ cogo min na, u fana te ne Ala daali.

⁶ U bena yɛrɛyɛrɛ siranya bolo, k'a sɔrɔ siranyako tɛ. Ala ben'a ka jama juguw kolow yɛrɛkɛ. Ala bena u bila minkɛ, o bena kɛ maloya ye u ma.

⁷ Ne be Isirayɛlidenw ka kisili makɔnɔna ka bɔ *Siyɔn! Ala bena yɛlɛmani don a ka jama ka koo la. O bena kɛ nisɔndiya ni ɲanagwɛ ye Isirayɛlidenw fɛ.