Zaburu 3 - ALA KA KUMA

Sɔgɔma daalili

¹ Dawuda ka dɔnkili, a bolituma na a dencɛ Abisalɔn ɲa.

² Masaba, ne juguw ka ca dɛ! Mɔgɔ minw be wili ne kama, olu ka ca yɛrɛ le!

³ Mɔgɔ caaman be ne koo fɔra ko: «Ala ten'a dɛmɛ.»

⁴ Nga ele Masaba, ele lo ye ne tangabaga ye. Ne be n yɛrɛ boɲa e lo kosɔn, e le be ne kuun kɔrɔta.

⁵ Ne be n kaan kɔrɔta ka kule Masaba nɔfɛ, a be n jaabi k'a to a ka kulu senuman kan.

⁶ N be la ka sinɔgɔ, ka kunun, bari Masaba le ye ne dɛmɛbaga ye.

⁷ Ne te siran mɔgɔ nunu cayako ɲa, minw wilila ne kama yɔrɔ bɛɛ la.

⁸ Masaba ne ka Ala, wili ka ne dɛmɛ! E min be ne juguw bɛɛ ɲaa gwan, ele le be mɔgɔjuguw halaki.

⁹ Masaba, mɔgɔ ka kisili be bɔ ele lo fɛ. I ka duba ka kɛ i ka jama kan.