Zaburu 29 - ALA KA KUMA

Masaba be kuma na

1 Dawuda ka dɔnkili dɔ.

¹ Dawuda ka dɔnkili dɔ. Sankolo kɔnɔ setigiw, aw ka Masaba boɲa. Aw k'a ka boɲa n'a ka setigiya fɔ.

² Aw ka boɲa la Masaba tɔgɔ kan. Aw k'aw kunbiri gwan a ɲakɔrɔ a ka yɔrɔ la.

³ Masaba kaan be mɛnna jii sanfɛ, nɔɔrɔtigi Ala be pɛrɛn i ko saan, Masaba pɛrɛnkan be mɛnna jiba sanfɛ.

⁴ Masaba be kumana ni setigiya ye, a be kumana kuntigiya la.

⁵ A kumakan be yiribabaw karikari. A be Liban yiribabaw karikarila.

⁶ A b'a kɛ Liban kulu be panpan i ko turakamelew, Ɛrɛmɔn kulu be panpan i ko kongomisiden.

⁷ Masaba kumakan b'a kɛ saan be manamana.

⁸ A kumakan be kongokolon yɛrɛyɛrɛ. A be Kadɛsi kongokolon yɛrɛyɛrɛ.

⁹ A kumakan b'a kɛ minanw be wolo, tuuw be lakolonya. K'a sɔrɔ a ka soo kɔnɔ, bɛɛ b'a la ko tanuli ka kɛ Masaba ye.

¹⁰ Masaba be jiba sanfɛ, masacɛ lo kudayi.

¹¹ Masaba be barika don a ka jama na, a b'a ka jama ta ɲa ka hɛrɛ kɛ a ye.