Zaburu 24 - ALA KA KUMA

Masaba be donn'a batoso kɔnɔ

1 Dawuda ka dɔnkili dɔ.

¹ Dawuda ka dɔnkili dɔ. Dugukolo ni fɛɛn minw b'a kan ye Masaba ta ye, diɲɛ n'a kɔnɔ mɔgɔw y'a ta ye.

² Bari ale lo y'a dan k'a sigi kɔgɔji sanfɛ, ale lo y'a to a lɔra ka ɲa.

³ Jɔn le bena se ka yɛlɛ Masaba ka kulu kan? Jɔn bena se ka don a ka yɔrɔ senuman kɔnɔ?

⁴ O ye mɔgɔ jalakibali ye, mɔgɔ kɔnɔ gwɛnin, mɔgɔ min te joo sɔn, a fana te kali namara kama.

⁵ Masaba ben'a ta ɲa, a kisibaga Ala bena tiɲɛ d'a ma.

⁶ Mɔgɔ minw b'u ɲaa sin Yakuba ka Ala ma, Masaba ɲasiranbagaw le y'o tigiw ye.

⁷ Waati bɛɛ dondaw, aw ka yɛlɛ, aw ka yɛlɛ ka ɲa, janko Nɔɔrɔtigi Masa ka don.

⁸ Jɔn le y'o Nɔɔrɔtigi Masa nin ye? Masaba fangatigi kɛlɛmasa lo! Masaba ye kɛlɛmasa le ye!

⁹ Waati bɛɛ dondaw, aw ka yɛlɛ ka ɲa janko Nɔɔrɔtigi Masa ka don.

¹⁰ Jɔn le y'o Nɔɔrɔtigi Masa nin ye? Masaba, Setigi lo! Ale lo ye Nɔɔrɔtigi Masa ye.