Zaburu 14 - ALA KA KUMA

Adamaden ka juguya

1 Dɔnkililabagaw kuntigi ka dɔnkili. Dawuda ka dɔnkili dɔ.

¹ Dɔnkililabagaw kuntigi ka dɔnkili. Dawuda ka dɔnkili dɔ. Nalomanw le b'a fɔ u yɛrɛ kɔnɔ ko: «Ala te yen.» Adamadenw y'u yɛrɛ ɲagami ka kojugu kɛ, u si te koɲuman si kɛ.

² Ka Masaba to sankolo la, a be adamadenw filɛra, ni mɔgɔ dɔ be sɔrɔ u cɛma hakili be min fɛ n'a be Ala yɔrɔ ɲini.

³ U bɛɛ filinin lo, u bɛɛ kɛra mɔgɔjuguw ye. U si te koɲuman kɛ, hali mɔgɔ kelen.

⁴ O tuma na, kojugukɛla nunu si te koo lɔn le wa? Olu minw be n ka mɔgɔw dumu i ko u be dumuni kɛ cogo min na. U fana te Masaba daali.

⁵ A filɛ, u be yɛrɛyɛrɛla siranya bolo bari Ala be mɔgɔtilenninw le dɛmɛ.

⁶ Aw be dɛsɛbagatɔw ka kolatigɛninw cɛn. Nga, Masaba ye u ka kalifayɔrɔ ye.

⁷ Isirayɛlidenw kisibaga ye jɔn ye ka bɔ *Siyɔn? Tuma min na Masaba ben'a ka jama nin ka nafolo segi u ma, u bena nisɔndiya kosɔbɛ.