Zaburu 138 - ALA KA KUMA

Ka Masaba tanu ni kɔnɔgwɛ ye

1 Dawuda ka dɔnkili dɔ.

¹ Dawuda ka dɔnkili dɔ. Ne b'i bato ni n dusu bɛɛ ye. Ne b'i tanu sankololafɛnw ɲakɔrɔ.

² Ne be n kunbiri gwan i ka soo kɔnɔ k'i bato i ka ɲumanya n'i ka tiɲɛ kama, bari e y'i ka layidu dafa fɔɔ ka tɛmɛ an ka laɲinitaw kan.

³ Tuma min na ne y'i daali, i ye ne jaabi. I ye ne jigi tugu, barika sɔrɔla.

⁴ Masaba, ni dugukolo kan masaw y'i ka kuma mɛn, u bɛɛ bena i tanu.

⁵ U bena dɔnkili la Masaba sago la, bari a ka sebagaya ka bon.

⁶ Masaba, i be sanfɛ, nga i ɲaa be yɛrɛmajigilenw na. I be yɛrɛboɲalaw lɔn yɔrɔjan.

⁷ Hali ni ne be dusukasi la, e b'a kɛ n be to nii na, e ka fanga be ne kisi. E b'a kɛ n juguw ka dimi be to u la.

⁸ Masaba ben'a kɛ ne ka koow bɛɛ be laban ka ɲa. E ka ɲumanya te ban abada. E ye fɛɛn minw dan, Masaba, kana o to.