Zaburu 130 - ALA KA KUMA

Dusukasi waati

1 Zeruzalɛmu taadɔnkili dɔ.

¹ Zeruzalɛmu taadɔnkili dɔ. Ka n to dingɛba kɔnɔ, n b'i daali, Masaba.

² Mɛnni kɛ ne fɛ, Matigi. I tulo malɔ ne daalikan na.

³ Matigi, n'i tun ko i be kojuguw jati minɛ, jɔn tun bena se ka to yen?

⁴ Nga i be yafa, o la, boɲa ka kan ka la i kan.

⁵ Ne be Masaba kɔnɔna, ne b'a kɔnɔna kosɔbɛ. Ne jigi b'a ka kuma kan.

⁶ Sufɛ kɔlɔsilikɛbaga be sɔgɔmada kɔnɔna cogo min na, ne be Matigi kɔnɔna ka tɛmɛ ale kan. Tiɲɛ na, ne b'a kɔnɔna ka tɛmɛ ale kan.

⁷ Isirayɛlidenw, aw k'aw jigi la Masaba kan, bari a ka ɲi, a be se k'aw kunmabɔ.

⁸ Ale lo bena aw kunmabɔ aw ka filiw la.