Zaburu 13 - ALA KA KUMA

Dɛmɛ ɲini daalili

¹ Dɔnkililabagaw kuntigi ka dɔnkili. Dawuda ka dɔnkili dɔ.

² Masaba, e hakili bena jigi ne la tuma jumɛn? E bena i yɛrɛ yira ne la tuma jumɛn?

³ Ne ka dusukasi bena ban tuma jumɛn? Loon bɛɛ ne dusu tɔɔrɔnin lo. Ne jugu bena se ne kɔrɔ fɔɔ tuma jumɛn?

⁴ Masaba ne ka Ala, e hakili to ne la ka n jaabi. Barika don n na ka n ɲaa yɛlɛ, n'o tɛ, ne be sara le.

⁵ N'o kɛra, ne juguw ben'a fɔ k'olu sera n kɔrɔ, u fana bena nisɔndiya ne benko la.

⁶ Nga ne jigi be e ka ɲumanya le kan, ne nisɔndiyanin lo e ka kisili koo la. Ne bena dɔnkili la Masaba ye a ka koɲuman kosɔn ne faan fɛ.