Zaburu 129 - ALA KA KUMA

Masaba b'a ka mɔgɔw hɔrɔnya

1 Zeruzalɛmu taadɔnkili dɔ.

¹ Zeruzalɛmu taadɔnkili dɔ. U y'an tɔɔrɔ kosɔbɛ kabini an kanbelen tuma. Isirayɛlidenw k'a fɔ ko:

² «U y'an tɔɔrɔ kosɔbɛ kabini an kanbelen tuma, nga u ma se an kɔrɔ.

³ U y'an kɔɔ bɛɛ siɲɛsiɲɛ k'a kɛ i ko walanjanjan, foro kɔnɔ.

⁴ Nga Masaba tilennin lo, a ye mɔgɔjuguw ka juru tigɛ.»

⁵ *Siyɔn kɔniyabagaw bɛɛ ka maloya, u ka segi kɔfɛ.

⁶ U ka kɛ i ko biin minw be falen boonw kunna. U be ja n'u m'u bɔn fɔlɔ.

⁷ A kanbaga bolo te fa ka ye, a cɛbaga te siri sɔrɔ.

⁸ Sira kan tɛmɛbaga kan'a fɔ ko: «Masaba k'aw ta ɲa.» An be duba kɛ aw ye Masaba tɔgɔ la.