Zaburu 127 - ALA KA KUMA

Masaba ye fɛɛn bɛɛ dibaga ye

1 Zeruzalɛmu taadɔnkili dɔ. Solomani ka dɔnkili Ala ye.

¹ Zeruzalɛmu taadɔnkili dɔ. Solomani ka dɔnkili Ala ye. Ni Masaba ma soo min lɔ, a lɔbagaw b'u yɛrɛ sɛgɛn gwansan. Ni Masaba ma dugu min mara, a kɔlɔsibagaw be sɛgɛn gwansan.

² Aw be wili joona, aw te sinɔgɔ joona. Aw b'a la k'aw yɛrɛ sɛgɛn gwansan ka dumuni ɲini, k'a sɔrɔ Masaba b'o ɲɔgɔn di a diyanamɔgɔw ma, hali k'u to sinɔgɔ la.

³ Deenw ye Masaba ka difɛn ye, denbaya y'a ka mɔgɔ sarafɛn ye.

⁴ Biɲɛw be cogo min na cɛfari bolo, kanbelenyawaati deenw be ten u tigi bolo.

⁵ Mɔgɔ min y'a ka biɲɛforoko fa u la, o tigi dagamunin lo. N'a tagara n'a jugu ye kititigɛyɔrɔ la, a tena dɔgɔya sɔrɔ.